BAGAN, UNESCO AND GENEVA CONVENTIONS


ပုဂံကို ကလေးဘဝကနေစပြီး လက်ရှိအသက်အရွယ်ထိ စုစုပေါင်း ၅ ကြိမ် ရောက်ဖူးတယ်။ နောက်ဆုံးရောက်ခဲ့တာ ၂၀၁၈ ဖေဖော်ဝါရီလက။

မနေ့က ပုဂံ (Bagan) ကို ကုလသမဂ္ဂ ပညာရေး၊ သိပ္ပံနှင့် ယဉ်ကျေးမှုအဖွဲ့ - ယူနက်စ်ကို (UNESCO) ကနေပြီး ကမ္ဘာ့အမွေအနှစ် စာရင်းဝင်အဖြစ် သတ်မှတ်လိုက်တယ်ဆိုတဲ့ သတင်းဖတ်ရတော့ စိတ်ထဲ အတော်လေး ဝမ်းသာမိတာရှိသလို စိတ်မကောင်းဖြစ်မိတာလည်း ရှိတယ်။

ဝမ်းသာမိတယ်ဆိုတာက ပုဂံဒေသအနေနဲ့ ကမ္ဘာ့အမွေအနှစ် စာရင်းဝင်သွားပြီဆိုရင် ခုနောက်ပိုင်းကနေစပြီး အောက်မှာ အကျဉ်းချုံး ဖော်ပြထားတဲ့ အကျိုးကျေးဇူးတွေ ပိုပြီးရလာတော့မယ်-


၁။ ပြယုဂ် - တစ်ကမ္ဘာလုံးက အသိအမှတ်ပြုပြီး အဖိုးမဖြတ်နိုင်တဲ့ ယဉ်ကျေးမှု အမွေအနှစ်တွေရှိတဲ့ နေရာတစ်ခုအဖြစ် စာရင်းဝင်သွားလို့ ဘယ်နိုင်ငံကိုရောက်ရောက် ငါတို့နိုင်ငံမှာ ကမ္ဘာက အသိအမှတ်ပြုရတဲ့ ဒီလိုယဉ်ကျေးမှု အမွေအနှစ်တွေရှိတယ်ဆိုတာ ဝင့်ဝင့်ကြွားကြွား ပြောခွင့်ရသွားတယ်။

၂။ အထောက်အပံ့ -  ဒီအမွေအနှစ်နဲ့ ပတ်သက်ပြီး တစ်ကမ္ဘာလုံးက ပံ့ပိုးပေးမယ့် နည်းပညာအကူအညီ/ ငွေကြေးအထောက်အပံ့နဲ့ ယဉ်ကျေးမှု အမွေအနှစ် ထိန်းသိမ်းမှုနဲ့ စီမံခန့်ခွဲမှုနည်းစနစ်ဆိုတာမျိုးတွေ ရလာမယ်။

၃။ ခရီးသွားလုပ်ငန်း - ကိုယ့်ဘာသာ လျှောက်ကြွားတာမျိုးမဟုတ်ပဲ ကမ္ဘာကပါ အသိအမှတ်ပြုတာမို့လို့ ပုဂံဒေသမှာ ခရီးသွားလုပ်ငန်းအနေနဲ့ အရင်ကထက် ပိုပြီးတိုးတက်လာဖို့ ရှိတယ်။ ဒါက ကိုယ့်နိုင်ငံအတွက် ဘဏ္ဍာရေးအမြတ်အစွန်းရဖို့ အများကြီး အထောက်အကူပြုနိုင်တယ်။

၄။ စည်းစနစ်ကျမှု - အရင်တစ်ချိန်က ယဉ်ကျေးမှုအမွေအနှစ် ကာကွယ်ထိန်းသိမ်းတဲ့နေရာမှာ စည်းစနစ်မကျလို့ ပုဂံ (Bagan) ကို ကမ္ဘာ့အမွေအနှစ်စာရင်းထဲ မသွင်းခံခဲ့ရဘူး။ ခုဆိုရင် ယဉ်ကျေးမှုအမွေအနှစ်များ ကာကွယ်ထိန်းသိမ်းရေး ဥပဒေ ဆိုတာကိုလည်း ၂၀၁၉ ခုနှစ်ထဲမှာပဲ အသစ်တည်းဖြတ် ပြဋ္ဌာန်းထားပြီးပြီ။

၅။ အကာအကွယ် - နောက်ပြီး ကမ္ဘာ့အမွေအနှစ် စာရင်းဝင်သွားတဲ့အတွက် ဂျနီဗာသဘောတူစာချုပ်အရ အကြောင်းတစ်စုံတစ်ရာကြောင့် စစ်မက်ဖြစ်ပွားချိန်မှာ သတ်မှတ်ထားတဲ့ ယဉ်ကျေးမှုနယ်မြေအတွင်းမှာရှိနေတဲ့ အမွေအနှစ်အဆောက်အဦတွေကို ဖျက်ဆီးတာ၊ စစ်ပွဲအတွင်း မလျော်မကန် အသုံးပြုတာမျိုးတွေမလုပ်ဆောင်နိုင်အောင် တားဆီးပေးပြီးသား ဖြစ်သွားတယ်။

အဲ့ဒါတွေက ဝမ်းသာမိတဲ့ အချက်တွေပေါ့။ ဒါပေမယ့် အဲ့ဒီ့ အချက်လေးချက်ထဲက နောက်ဆုံးအချက်ကိုတော့ အပြည့်အဝ ဝမ်းမသာနိုင်သေးဘူး။


ဘာလို့လည်းဆိုရင် ယဉ်ကျေးမှုအမွေအနှစ် အကာကွယ်ပေးဖို့ဆိုပြီး ရေးသားထားတဲ့ ပြဋ္ဌာန်းချက်က ဂျနီဗာသဘောတူစာချုပ်ရဲ့ နောက်ဆက်တွဲ ပရိုတိုကော(၃)ခုထဲက ပထမဆုံးပရိုတိုကောရဲ့ အပိုဒ်ခွဲ-၅၃ (Art 53. Protection of cultural objects and of places of worship) မှာ ဖော်ပြထားတာ။ ဒါပေမယ့် ခက်တာက မြန်မာနိုင်ငံအနေနဲ့ ဂျနီဗာသဘောတူစာချုပ်ကို ၁၉၉၂ ခုနှစ်မှာ လက်မှတ်ရေးထိုးခဲ့တယ်ဆိုပေမယ့် နောက်ဆက်တွဲ ပရိုတိုကော-၃ ခုကိုတော့ ခုချိန်ထိ လက်မှတ်ထိုးမထားရသေးဘူး။ ဆိုတော့ ဘယ်လိုသဘောဖြစ်မလဲ။ လက်မှတ်ထိုးခြင်း/မထိုးခြင်းကြောင့် ဖြစ်လာမယ့် အကျိုးရလဒ်ကို အတိအကျ မခန့်မှန်းတတ်ပေမယ့် ကမ္ဘာ့အမွေအနှစ် စာရင်းဝင်ထားပြီးသား ကိုယ့်နိုင်ငံရဲ့ ယဉ်ကျေးမှုအဆောက်အဦတွေအတွက်တော့ စိတ်ထဲမလုံခြုံသေးသလို ခံစားရတယ်။ ဒါက ဝမ်းမသာမိဘဲ စိတ်မကောင်းဖြစ်မိတဲ့ တစ်ချက်။


ဘာလို့ ဒီပရိုတိုကောတွေကို လက်မှတ်မထိုးတာလဲ ကိုယ့်တစ်နိုင်ငံတည်းလားဆိုတော့ ကိုယ်တွေတစ်နိုင်ငံတည်း မထိုးထားတာတော့ မဟုတ်ဘူး အိန္ဒိယတို့ ထိုင်းတို့ မလေးရှားတို့လည်း ထိုးမထားဘူး။ အမေရိကန်တောင် ပရိုတိုကော ၃ ခုမှာ Signed only အဆင့်ပဲရှိသေးတယ်။ Ratified မဖြစ်သေးဘူး။ ဆိုတော့ လက်မှတ်မထိုးရသေးတာ ဘာကြောင့်ဖြစ်နိုင်လဲဆိုပြီး Additional Protocol တွေပြန်လိုက်ဖတ်ကြည့်တော့ International Fact-Finding Commission နဲ့ သက်ဆိုင်တဲ့ Article 90 ကို ထပ်တွေ့တယ်။

အဲ့မှာ ဆက်တွေးမိတာ တကယ်လို့များ အဲ့ဒီ့အချက်ကြောင့်ဆိုရင် ဘာလို့ ဒီအပိုဒ်ခွဲကို ရှောင်ချင်ရတာလဲဆိုပြီး ဆက်ရှာတော့ UNHCR ရဲ့ Independent International Fact-Finding Mission ကနေ ၂၀၁၈ စက်တင်ဘာလက ထုတ်ပြန်ထားတဲ့ စာမျက်နှာ ၄၄၁ မျက်နှာပါ Human Rights Violations Report ကို ထပ်ဖတ်ရပြန်ရော။


အနှစ်ချုပ်ရရင် မြန်မာနိုင်ငံရေးဟာ အလွန်တရာကို ရှုပ်ထွေးတယ်။ တစ်ကိုယ်ကောင်းဆန်ခဲ့ကြတာတွေ အများကြီး၊ အတ္တကိုရှေ့တန်းတင်ပြီး တခြားသူတွေရဲ့ ဘဝကို နင်းခြေခဲ့ကြတဲ့ သာဓကတွေ အများကြီး။ အဲ့ဒီ့အကျိုးဆက်တွေကို အခုခံစားနေရတယ်လို့ပဲ မြင်မိတယ်။ ဆိုတော့ ကျွန်တော်တို့ အတ္တတွေ လျှော့သင့်တယ်။ ဒီ့ထက်စနစ်ကျအောင် ဘယ်လိုညှိနှိုင်းလုပ်ကြမလဲဆိုတာ အဖြေရှာသင့်တယ်။

ပုဂံ (Bagan) ကမ္ဘာ့အမွေအနှစ်စာရင်းဝင်ခြင်း အမှတ်တရ
၇-၇-၂၀၁၉
၁၈၃၉

How to Setup Z.com Domain in Blogger

စာပြန်ရေးဖို့ ပြီးခဲ့တဲ့ အပတ်ကစပြီး ကြိုးစားခဲ့တယ်။ လွန်ခဲ့တဲ့ ၂၀၁၀ ဝန်းကျင်ကလို နေ့တိုင်းနီးပါး ရေးဖြစ်ဖို့ မသေချာပေမယ့် စိတ်ကူးထဲပေါ်သလို ရေးမယ်လို့ပဲ ဆုံးဖြတ်ပြီး Blogspot ကနေ Domain name ကို အရင်ရေးနေကျ .net အဖြစ် ပြန်ပြောင်းလိုက်တယ်။ ဘလော့ရေးတယ်ဆိုတာ ဒီဘက်ခေတ်မှာ တော်တော်ရူးကြောင်ကြောင်နိုင်တဲ့ အလုပ်လို့တောင် ပြောရမလားပဲ။ ဘာလို့လည်း ဆိုတော့ Blogger ဆိုတာ အရင်က Blogging Platform တွေမှာ ရေးတဲ့လူကိုခေါ်တာ။ အထူးသဖြင့်တော့ ကျွန်တော်တို့ ဘလော့စရေးကာစက နိုင်ငံခြားရောက် မြန်မာတော်တော်များများ ဘလော့ ရေးကြတယ်။ ရေးတယ်ဆိုတဲ့နေရာမှာလည်း အထူးသဖြင့်တော့ ပိုက်ဆံမကုန်ဘဲ FOC ရတဲ့ Blogging Platform မှာ ရေးကြတာ။ အသုံးများကြတော့ Google Blogger ပေါ့။ Wordpress တို့ ဘာတို့က ပိုပြီး Features စုံပေမယ့် ပိုက်ဆံမပေးနိုင်ရင် မျက်နှာငယ်ရတယ်။

FB-instant-article-Blogger

မြန်မာအများစုကလည်း Google Blogger Platform မှာ အရေးများကြတော့ ကိုယ့်အဝန်းအဝိုင်းလေးနဲ့ ကိုယ်ဖြစ်ပြီး ပျော်စရာလည်း ကောင်းတာပေါ့လေ။ သူ့ဘလောက် ကိုယ်သွားလည် ကိုယ့်ဘလောက် သူလာလည်နဲ့။ အဲ့လိုနေကြတဲ့သူကို ဘလော့ဂါလို့ခေါ်တာ။ ဒီဘက်ခေတ်ရောက်တော့ ဘလော့ဂါဆိုတာ အဲ့လိုမဟုတ်တော့ဘူး။ ဘလော့ဂါဆိုတာ Facebook မှာ Page ထောင်ပြီး စာရေးတဲ့သူကို ခေါ်တာ ဖြစ်သွားပြီ။ ဥပမာ - Beauty Blogger နေခြည်ဦး တို့ ဘာတို့ပေါ့။ ဘလော့ဂါတော်တော်များများလည်း Blog မှာ ရေးနေရာကနေ Facebook Page ဘက်ကို ပြောင်းကြတယ်။ မပြောင်းဘဲလည်း မနေနိုင်ဘူးလေ။ ဘလော့ဆိုတာ လူသိပ်မလာတော့ဘူး။ လူအများစုက ဖေ့ဘုတ် မှာပဲနေကြတော့တယ်။ ဘလော့က Feeds ကို Facebook Like ကနေတဆင့် လင့်ပေးပြီးချိတ်ထားရင်တောင် တကူးတက ကလစ်နှိပ်ပြီး လာရတာပျင်းလို့ ဘယ်သူမှမကြည့်ချင်ကြဘူး။ ဖေ့ဘုတ်မှာ ရေးထားတာကိုပဲ အဖတ်များကြတဲ့ ခေတ်ကိုရောက်သွားပြီ။ အဲ့တာကြောင့်လည်း ကျွန်တော် အပေါ်မှာပြောခဲ့တာ ဘလော့ရေးတယ်ဆိုတာ ဒီဘက်ခေတ်မှာ တော်တော်ရူးကြောင်ကြောင်နိုင်တဲ့ အလုပ်လို့။”

ဒါပေမယ့်ပေါ့လေ ကိုယ်က ဘလော့လောကမှာ နေခဲ့တဲ့သူဖြစ်တာတစ်ကြောင်း ဖေ့ဘုတ်မှာရေးရတာထက် ဘလော့မှာရေးရတာကို ပိုသဘောကျတာကတစ်ကြောင်းကြောင့် ဘလော့မှာပဲ ပြန်ရေးဖို့ ဆုံးဖြတ် လိုက်တယ်။ Facebook မှာစာရေးတဲ့အခါ အကြောင်းအရာနဲ့ သက်ဆိုင်တဲ့ပုံကို သက်ဆိုင်တဲ့နေရာမှာ တစ်ဆက်လည်း တွဲပြဖို့ အဆင်မပြေဘူးလေ။ စာကသပ်သပ် ပုံကသပ်သပ် ဖြစ်နေတော့ ဖတ်ရတာလည်း အဆင်မပြေဘူး။ နောက်ပြီး ဘလော့ရေးသလို HTML Styles တွေကို ပြောင်းဖို့လည်း မလွယ်ဘူး။ အဲ့ဒါ့ကြောင့် အရင်လိုပဲ Domain Name ဝယ်ပြီး ဘလော့မှာပဲ ဆက်ရေးဖို့ ဆုံးဖြတ်လိုက်တယ်။ Domain Name Registration လုပ်မယ်ဆိုရင် မြန်မာနိုင်ငံမှာ အခု Services ပေးနေတဲ့ ဆိုဒ်တွေ တော်တော်များများ ရှိပါတယ်။ အရင်က ကျွန်တော် Godaddy ကနေ Domain Name ဝယ်သုံးတယ်။ ဒါပေမယ့် ခုနောက်ပိုင်းတော့ ဈေးကလည်းသိပ်မကွာတာရယ် ကိုယ့် Language နဲ့ ကိုယ်သုံးလို့ရတာရယ်ကြောင့် z.com ကို ရွေးလိုက်တယ်။

2018-08-11_075038

စစချင်းတော့ Domain Name ကို .com.mm ဝယ်ဖို့စဉ်းစားတာပါ။ ဒါပေမယ့် တစ်နှစ်စာကို တစ်သိန်းနီးပါးလောက်ကျနေတော့ မဝယ်နိုင်ဘူး။ ဘလော့ရေးတာ ဝါသနာပါလို့သာရေးတာ ဝင်ငွေရလောက်တဲ့ထိ စိုက်လိုက်မတ်တပ် လုပ်ဖြစ်တဲ့အလုပ်လည်းမဟုတ် ပိုက်ဆံအဝင်ဆိုတာလည်း မရှိဘူးလေ။ အဲ့တော့ .net ကိုပဲ ၁ သောင်းခွဲဝန်းကျင်နဲ့ ဝယ်လိုက်တယ်။ အဲ့မှာ အားနည်းချက်တစ်ခုတွေ့ရတာက အရင်သုံးခဲ့တဲ့ Godaddy တို့ဘာတို့မှာ Domain Name Registration လုပ်သူအတွက် ဘယ် Blogging Domain နဲ့ Link လုပ်ချင်တာလဲဆိုတာပေါ်မူတည်ပြီး FAQs တွေက တင်းပြည့်ကျပ်ပြည့်ရှိတယ်။ ဘာမှအုံးစားစရာ မရှိဘူး။ ကျွန်တော်က Blogger သမားဆိုတော့ Google Blogger နဲ့ ချိတ်ချင်ရင် CNAMEs ကို ဘယ်လို ပြောင်းရတယ် ဘယ်နေရာမှာ ဘာပြင်ရတယ်ဆိုတာကအစ ပုံနဲ့အပြည့်အစုံရှင်းပြထားတာရှိတယ်။ z.com ကတော့ အဲ့တာအားနည်းတယ်ဗျ။ FAQs တွေ မစုံသေးဘူး။ သူတို့အများကြီး ဖြည့်ရဦးမယ်။ အဲ့တော့ ဘာဖြစ်လည်းဆို Domain Name ကို Blogger Settings ထဲ ဝင်ဖြည့်တဲ့အခါ Error တက်ရော။ DNS Settings ကို ဘယ်မှာ ဝင်ပြင်လို့ပြင်ရမယ်မသိ။ CNAMEs Records မှာ ဘယ်လိုဖြည့်လို့ ဖြည့်ရမယ် မသိနဲ့။

11

ကျွန်တော် ညံ့သွားတဲ့တစ်ချက်က စာရေးချင်ဇောများပြီး Domain Name သာ ဝယ်လိုက်တာ ကိုယ်ရေးတဲ့ Blogging Platform နဲ့ ကိုယ်ဝယ်မယ့် Domain Name ကို ဘယ်လို Link ချိတ်ရတယ်ဆိုတာ Support ကနေ ကြိုစစ်ကြည့်ဖို့ သတိမရလိုက်မိဘူး။ ဝယ်ပြီးတော့မှ ရပါ့မလား ရပါ့မလားနဲ့ စမ်းတဝါးဝါး လိုက်လုပ်ရတယ်။ Feedback ကနေ GMOACE ကို လှမ်းမေးတော့ Services ပေးတဲ့ဝန်ထမ်းတွေလည်း ကျွန်တော်ဝယ်ထားတဲ့ Domain Name ကို Blogging Platform နဲ့ ချိတ်လို့ရအောင် ကြိုးစားပြီးတော့တော့ အဖြေရှာပေးကြပါတယ်။ ဖုန်းတွေလည်းဆက်ကြတယ်။ ဒါပေမယ့် အဆင်မပြေခဲ့ဘူး။ နောက်ကိုယ့်ဘာသာ ကိုယ့်အားကိုယ်ကိုးပြီး Google ကပြောထားတဲ့ Suggestions တွေအတိုင်း လိုက်ဖတ်ပြီး လုပ်ကြည့်တော့မှ အဆင်ပြေသွားတယ်။ သိပ်ရှုပ်ရှုပ်ထွေးထွေးတော့ မဟုတ်ပါဘူး။ z.com မှာ Domain Name ဝယ်ဖြစ် ခဲ့သော်ရှိ ကိုယ့်အကောင့်ထဲ ကိုယ်ဝင်ပြီး DNS Tab အောက်ကိုသွား၊ ကိုယ်ဝယ်ထားတဲ့ Website လိပ်စာ ကို Search Box ကနေ ရိုက်ရှာပြီးတော့ Edit (Pencil Icon) ကနေ အပေါ်ပုံမှာ ဘောင်ခေတ်ပြထားတဲ့ CNAMEs တွေကို အောက်မှာပြထားတဲ့ Values နဲ့ ဖြည့်ပြီး Save လိုက်ယုံပဲ။ ချက်ချင်းတော့ ရချင်မှရမယ်။ ၄၈ နာရီလောက် စောင့်ရလိမ့်မယ်။ အဲ့တာပြီးရင်တော့ Error ပျောက်ပြီး ကိုယ်ဝယ်ထားတဲ့ Domain Name နဲ့ Blogspot ကို ဝင်လို့ရပြီ။

2018-08-10_105004

ဒီလောက်ပဲဗျာ။ နောက်ရက်တွေကျရင်တော့ အရင်ရေးနေကျပုံစံအတိုင်း ဘာရေးမယ်လို့ မဟုတ်ဘဲ ရေးချင်ရာရေး ပုံစံနဲ့ ထပ်ရေးပါဦးမယ်။

TechSectors has been Deleted and Reinstated

စာပုံမှန် ပြန်ရေးနိုင်ဖို့ ကြိုးစားနေတာ တကယ်တော့ ရက်ပိုင်းလောက်ပဲ ရှိသေးတယ်။ အားတယ် မအားဘူးဆိုတာထက် ကိုယ်တိုင်လည်း စာဖတ်ဖြစ်သွားအောင် (၃) ရက်ခြားတစ်ပုဒ်နှုန်းလောက် ရေးမယ်လို့ စိတ်ကူးပြီး စရေးတဲ့ အချိန်မှာ Blogger Team ရဲ့ မျှော်လင့်မထားတဲ့ ကြိုဆိုမှုကို စရတယ်။

Google ရဲ့ Automated System က ဘလော့ကို SPAM Blog လို့သတ်မှတ်ပြီး ဘာမပြော ညာမပြောနဲ့ တစ်ခါတည်း Delete လုပ်ပစ်လိုက်တာ။ တော်တော်အံ့သြသွားတယ်။ ဘလော့ရေးခဲ့တာ ၇ နှစ်ကျော်ပြီ။တစ်ခါမှ ဒီလိုမဖြစ်ဖူးဘူး။ ဘလော့က Broken Links တွေ လိုက်ပြင်နေရင်းနဲ့ ချက်ချင်းကြီး Blog not found. ဖြစ်သွားတယ်။

ခဏနေတော့ Mail ထဲကို Blogger Team နေ စာတစ်စောင် ဝင်လာတယ်။

2014-02-21_18-45-32

Restore Buttom လေးတွေ့လို့ နှိပ်တော့ တကယ် Spam Blog ဟုတ်မဟုတ် Blogger Team ကနေ ပြန်စစ်ဖို့ ၂ ရက်ကြာမယ် ပြောတယ်။ တော်တော် စိတ်ပျက်သွားတာပေါ့။ Automated System က ဘာမပြော ညာမပြောနဲ့ Delete လုပ်လိုက်တဲ့အချိန်မှာ Post အသစ်က ၃ ခုလောက် ရေးပြီးပြီ။ Backup မလုပ်ထားမိဘူး။ နောက်ပြီး ပို့စ်အဟောင်းတွေ ပြန်လိုက်ပြင်နေတာလည်း အပုဒ် ၂၀ လောက် ပြင်ထားပြီးနေပြီ။ (၂)ရက်စောင့်လို့မှ အကြောင်းမပြန်ရင် ဘလော့မရေးတော့ဘူးဆိုတဲ့ စိတ်မျိုးတောင် ဖြစ်သွားပြီ။ ဒါပေမယ့် ကံကောင်းပါတယ်။ (၁)ရက်ပဲ ကြာတယ်။ Blogger Team က စာပြန်ဝင်လာတယ်။

2014-02-21_18-46-35

အမှတ်တရပါပဲ။ နောက်ဆို ဘလော့ကို ခဏခဏ ဖျက်လိုက် Reinstall လုပ်လိုက် လုပ်တာမျိုး ရှောင်ရမယ်။ တနေ့တည်းနဲ့ ပို့စ်အများကြီး ပြင်တာမျိုးလည်း ရှောင်ရတော့မယ်။

Maung Zin.

11Dreams.net To TechSectors

စာမရေးတာ နှစ်နဲ့ချီပြီး ကြာခဲ့တော့ စာတစ်ကြောင်းပြန်ရေးဖို့ကိုတောင် တော်တော်လေး အပြန်ပြန် အလှန်လှန် စဉ်းစားနေရတယ်။


မြန်မာနိုင်ငံပြန်ရောက်ပြီး နောက်ပိုင်း အကြောင်းအရင်း (၅)ခုကြောင့် စာမရေးဖြစ်ခဲ့ဘူး-
  • အင်တာနက် လက်တစ်ကမ်းမှာ မရှိဘူး။
  • Blog ကို ဇော်ဂျီကနေ ယူနီကုတ်ပြောင်းပြီးနောက်ပိုင်းမှာ Forum မှာ ဇော်ဂျီနဲ့ ဘလော့မှာ သုံးတဲ့ ယူနီကုတ်ကြား ပြဿနာတော်တော် တက်ခဲ့တယ်။
  • အရင်ကသုံးခဲ့တဲ့ Domain Name (11dreams.net) က Expired ဖြစ်သွားတော့ တစ်နှစ်စာ Register ပြန်လုပ်ဖို့ အဆင်မပြေတာနဲ့ အချိန်တစ်ခုစောင့်နေမိတယ်။
  • အရင်ရေးခဲ့တဲ့ ဖိုရမ်မှာလည်း အခုတော့ ရေးမယ့်သူလည်းမရှိ ဖတ်မယ့်သူလည်းမလာနဲ့ ဝင်မရေးဖြစ်တာ တော်တော်ကြာသွားတယ်။
  • ပြန်ရေးမယ်လုပ်ပြန်တော့ Blog မှာ Broken Links တွေ တအားများနေတာရယ် Themes တွေ ပြောင်းတာများပြီး ယူနီကုတ်ပြဿနာ ဖြစ်တာရယ်တွေနဲ့ အချိန်မပေးချင်တော့ ပစ်ထားလိုက်တယ်။
ဒါပေမယ့် စိတ်တိုင်းကျတဲ့ Themes တစ်ခု ပြီးခဲ့တဲ့လက တွေ့ခဲ့တယ်။ အမျိုးမျိုး စမ်းသပ်ကြည့်ပြီး သဘောကျတော့ အရင်ကရခဲ့တဲ့ PageRanks အပျက်ခံပြီး အားလုံး တစ်ကနေ ပြန်စခဲ့တယ်။ လောလောဆယ် -
  • ဖြည်းဖြည်းချင်း Blog က Broken Links တွေပြန်ပြင်နေတယ်။
  • အရင်က ပြဿနာဖြစ်နေတဲ့ Unicode ပြဿနာလည်း တော်တော်လေး အဆင်ပြေသွားပြီ။ ဘယ် Browsers နဲ့ ကြည့်ကြည့် ပုံမှန်မြင်ရပြီ။
  • အင်တာနက်သုံးဖို့လည်း ၁၅၀၀တန် SIM Card တစ်ခု မဲပေါက်တော့ အင်တာနက်လျှောက်ပြီးသုံးတာ အဆင်ပြေနေတယ်။
  • Domain Name ကိုလည်း ပြန်ပြီး Registration လုပ်ဖို့ ကြိုးစားနေတယ်။
  • တစ်ချိန်က လူကြည့်များပြီး အသုံးဝင်ခဲ့တဲ့ Articles တွေကို PDF Version ပြန်ပြောင်းဦးမယ်။
  • သိပ်မကြာခင် Articles တွေလည်း အရင်လို ပြန်ရေးနိုင်တော့မယ်။
TechSectors.

Circle

Windows 7 Themes ပြင်ဆင်တာနဲ့ ပတ်သတ်ပြီး အတော်အသင့် ကျွန်တော် နားလည်ထားသလောက် ဒီနေရာမှာ ရေးပေးခဲ့တယ်။ ဒါပေမယ့် အသိပေးစရာလေး တစ်ချို့ရှိနေလို့ ဒီအကြောင်းကို ထပ်ရေး ဖြစ်ပါတယ်။

ဟိုအရင်တစ်နေ့က Themes တွေ Wallpapers တွေမြင်ရင် အရမ်းသဘောကျတတ်တဲ့ ကျွန်တော့် အသိတစ်ယောက်တောင်းလို့ အဲ့ဒီ့ Thread မှာ တင်ထားပြီးတဲ့ Themes ဖိုင်တွေအားလုံး ပေးလိုက်သလို သုံးဖို့ အဆင်ပြေအောင် အသုံးပြုနည်း ရေးထားသမျှကို ဖတ်လို့ ရအောင်လည်း စီစဉ်ပေးလိုက်တယ်။ ဒါပေမယ့် နောက်နေ့ သူနဲ့ ကျွန်တော် ပြန်တွေ့တော့ Themes တွေ Install လုပ်ဖို့ ကြိုးစားရင်း ဘာတွေ ဖြစ်ကုန်မှန်း မသိတော့လို့ Windows ပြန်တင်လိုက်ရသတဲ့။

ဟုတ်ပါတယ်။ ကျွန်တော် ဖော်ပြခဲ့တဲ့ Themes တွေထဲက တော်တော်များများဟာ System files တွေကို ပြင်ပြီးမှ သုံးလို့ ရတာမျိုးပါ။ အဲ့တာကြောင့် အသုံးမတတ်ရင် မသွေမုတ်ချ Windows ပြန်တင်ရပါလိမ့်မယ်။ ဒါကို ဘာလို့ အစောတည်းက အသိမပေးခဲ့သလဲလို့ ကျွန်တော့်ကို ထောက်ချင်ကြလိမ့်မယ်။ မှန်ပါတယ် တမင်သက်သက်ကို သတိပေးချက် ဆိုပြီး မပြောခဲ့တာပါ။ ဒါကလည်း အကြောင်းရှိပါတယ်။ System files တွေကို ပြင်ပြီး Themes တွေပြင်ရင်းနဲ့ ပြဿနာတက်ပြီး သုံးမရတော့တဲ့ အခါ မသကာ စက်ကို System restore ပေး ( ဒါမှမဟုတ် ) အလွန့်အလွန်ဆုံး Windows အသစ်ပြန်တင်ရယုံပေါ့။ ဒါဟာ သေမယ်မှန်း သိလျက်နဲ့ လူတစ်ယောက်ကို ကားရှေ့ မှောက်အိပ် ခိုင်းတာမဟုတ်ဘူး။ ကျွန်တော်တို့တွေ နယ်ပယ် အသစ်တစ်ခုထဲ တိုးဝင်ချင်တယ်ဆိုတဲ့အခါ အနည်းနဲ့ အများတော့ ပေးဆပ်မှု ပြုကြရတယ်။ အသစ်လည်း စမ်းချင်တယ် - အရာအားလုံးကိုလည်း အဆင်ပြေချင်တယ် ဆိုတာမျိုးတော့ ဘယ်တော့မှ မရဘူး။ အဲ့လို့ရတဲ့ အချိန်ထိစောင့်မယ်ဆိုရင်လည်း သူများသုံးပြီး ဟောင်းလို့ကျလာတဲ့ အကြွင်းအကျန်ပဲ ရလိမ့်မယ်။ ကျုပ်တို့ မြန်မာတွေ အဟောင်းသံသရာမှာ လည်နေတာ ဆယ်စုနှစ် ဘယ်နှစ်ခုတောင် ရှိပြီလဲ။

မြန်မာလူမျိုး အထူးသဖြင့် ခုခေတ် မြန်မာလူငယ်တွေက ဆုံးရှုံးရမယ် ဆိုရင်တော့ သေမလောက် ကြောက်ကြပြီး ပိုင်ဆိုင်မှုရမယ် ဆိုရင်ကျ Limitless လိုချင်ကြတယ်။ ဒီအတွေးအခေါ်မျိုးက လူငယ်မှ မဟုတ်ဘူး ခုခေတ်မှာ မိဘဖြစ်နေတဲ့ လူကြီးပေါက်စတွေထိ ရှိနေပြီ။ ဒီနည်းနဲ့သွား ကျွန်တော်တို့ ဘယ်တော့မှ နောက်ဘိတ်ကနေ တတ်နိုင်မှာ မဟုတ်ဘူး။ အသိပေးချက်တို့ သတိပေးချက်တို့ ဆိုတာတွေက ဆုံးရှုံးမှုကြီးကြီး ပေးဆပ်ရမယ် ဆိုတဲ့ အချိန်မှာ အသိပေးသင့်တာ။ သေးသေးကွေးကွေးကစပြီး ဘယ်လိုဖြစ်မယ် ညာလိုဖြစ်မယ်နဲ့ ကလေးတစ်ယောက်ကို တစ်ချိန်လုံးနောက်ကနေလိုက် အသိလိုက်ပေးနေရင် သူစိတ်ကူးထားတဲ့ အိပ်မက်က ဘယ်တော့မှ အထမြောက်မှာ မဟုတ်တော့ဘူး။ ဆုံးရှုံးမှု ဆိုတာ တစ်ခါတစ်လေတော့ ခံစားတတ်မယ် ဆိုရင် ချိုမြိန်မှုကို ပေးပါတယ်။ သူများ ပြောပြလို့ သိရတဲ့ အသိပေးချက်ထက် ကိုယ်ကိုယ်တိုင်မှားပြီး ရခဲ့တဲ့ အသိက တစ်သက်စာ စွဲမြဲစေသလို အဲ့ကလေးရဲ့ ဘဝအတွက် အနာဂတ် ရဲရင့်မှုကိုလည်း ပေးတယ်။


Photo: Donald Zolan watercolor painting of children 1-10

ကျေးဇူးပြုပြီး လူငယ်တွေရဲ့ အိပ်မက်ကို ထမြောက်ခွင့် ပေးကြည့်ပါ။ မဖြစ်စလောက် ဆုံးရှုံးမှုကို စိုးရိမ်မှုဆိုတဲ့ ခေါင်းစဉ်အကြီးကြီးတပ်ပြီး ကလေးတစ်ယောက်ရဲ့ အနာဂတ်ကို မဖျက်ဆီးကြပါနဲ့။


KznT.

I won't let you fall.

အိမ်ထောင်ပြုတာလား - ချစ်တဲ့သူနှစ်ယောက် ပေါင်းရမယ် ဆိုရင်တော့ အိမ်ထောင်ပြုတာ ပျော်စရာပေါ့ - ဒါပေမယ့် မြန်မာမှု မြန်မာမှုနဲ့ အလုပ်မဟုတ်တာတွေကို မြန်မာမှု ဆိုတဲ့ ခေါင်းစဉ်တပ်ပြီး ဇရာချဲ့နေကြတာတော့ တော်တော်ကို စိတ်ဆင်းရဲဖို့ ကောင်းတယ်။

ခုခေတ်မှာ အိမ်ထောင်ပြုတယ် ဆိုတာ ချစ်တဲ့သူနှစ်ယောက် ပေါင်းကြတာမှ မဟုတ်တာ - ဟိုဘက်မိဘ ဒီမိဘ ကျေနပ်အောင် ကလေးတွေက မပြေလည်တာကို ပြေလည်ချင်ယောင် ဆောင်ပြီး မိဘချင်း သဟဇာဖြစ်အောင် လိုက်ညှိနေရတဲ့ ခေတ်ပဲ။ မိဘဆိုတဲ့ သူတွေကလည်း သားသမီးကို ချစ်တယ် ချစ်တယ်နဲ့ ဆောင်ပုဒ် အမျိုးမျိုး ပြောင်းချိတ်ပြီး ကိုယ့်သားသမီး အသက် ၂၅ - ၃၀ ရောက်တဲ့ထိ ဘာတစ်ခုမှ ဆုံးဖြတ်ခွင့် မပေးဘူး။ လူတစ်ယောက်ရဲ့ အရည်အချင်းဆိုတာထက် အဲ့လူနောက်က ပါလာမယ့် အထုတ်အထည်ပဲ လိုက်ကြည့်နေကြတယ်။

ဒီနေ့ခေတ်မှာ မင်း ဆရာဝန် ဆိုတာလည်း အထင်မကြီးလည်း - အင်ဂျင်နီယာ ဖြစ်လည်း မယုံဘူး - မင်း အဖေဘာကောင်လည်း - မင်းအမေ ဘာစီးပွားရေးလုပ်လဲ ဆိုတာပဲ လိုက်ကြည့်နေကြတယ်။ အဲ့လို လူတွေ အဲ့လိုအတွေးအခေါ်တွေ ကြားမှာ ကိုယ်ပိုင်ဆုံးဖြတ်ခွင့် မရတဲ့ ကလေးတွေက တောကြည့်တောင်ကြည့် - ကိုယ့်ကိုယ်ကိုယ်လည်း မယုံ - ကိုယ့်အနာဂတ်လည်း ကိုယ်မယုံ - ကိုယ့်စွမ်းဆောင်ရည်လည်း ကိုယ်မယုံ။ ချစ်လည်း မယူရဲ။ မချစ်လည်း ယူရဲ။



သိန်းလေးငါး ခြောက်ဆယ် အကုန်အကျခံ မင်္ဂလာပွဲတွေ လုပ်။ တတ်နိုင်ရင်တော့ လုပ်ကြပေါ့။ မတတ်နိုင်တဲ့သူကျတော့ မင်္ဂလာပွဲကနေ ပြန်ရတဲ့ လက်ဖွဲ့က အရင်းမှ ကျေပါ့မလားနဲ့ ရင်တမမ - မတတ်နိုင်တဲ့ သူကျတော့လည်း မိန်းကလေးမိဘကို ကြောက်ရ။ ကိုယ့်ကောင်မလေး မျက်နှာငယ်မှာ စိုးရ။ ဒီနေ့ယူလို့ ရနေတာ နောက်လကို ရွှေ့။ နောက်လ ယူမယ့်ဟာ နောက်နှစ်ကို ရွှေ့။ ရွှေ့တာတွေများတော့ အဲ့မိန်းကလေးက မရွှေ့တဲ့ ယောင်္ကျားကိုယူ။

သိန်းလေးငါးဆယ်တန် မင်္ဂလာပွဲကြီး လုပ်ပြီး တကယ်ရော ပျော်ခဲ့ရလား - အဲ့တာမျိုးတော့ ဘယ်သူမှ ပြန်မတွေးဘူး - အစဉ်အလာတွေ မြန်မာမှုဆိုတာတွေနဲ့ ကိုင်ပေါက်ပြီး အနာဂတ်ရှိရာဆီ မျက်စိမှိတ်ပြီး တိုးဝင်ကြတယ်။ မျက်လုံးပြန်ပွင့်တော့ ချောက်ကမ်းပါးစွမ်း ရောက်နေပြီ။ ဒါတွေကို ခေါင်းရှုပ်မခံချင်ကြတော့ နောက်ဆုံး အဖြေမဟုတ်တဲ့ နောက်ကို ဖြတ်လမ်းနည်းနဲ့ လိုက်တယ်။ ငွေရှိတဲ့ သူ ရှာယူတဲ့။


မင်္ဂလာပွဲဆိုလို့ ဟိုးတစ်လောလေးက Jill နဲ့ Kevin တို့ရဲ့ မင်္ဂလာပွဲလေး လုပ်တာ ကြည့်လိုက်ရသေးတယ်။ သူတို့ မင်္ဂလာပွဲက အရိုးစွဲနေတဲ့ မြန်မာမှုဆိုတဲ့ ခေါင်းစဉ်နဲ့ ကြည့်ရင်တော့ မင်္ဂလာ ရှိချင်မှ ရှိမယ်။ ဒါပေမယ့် သိန်းလေးငါးဆယ် မကုန်ဘူး - မင်္ဂလာပွဲပြီးလို့ ရှေ့ရေးအတွက် ဘုရားတနေစရာ မလိုဘူး - အနာဂတ်အပူကို ဟန်ဆောင်အပြုံးတွေနဲ့ မလုံ့တလုံဖုံးပြီး စားပွဲဝိုင်းတိုင်းကို တစ်ဝိုင်းဝင် တစ်ဝိုင်းထွက် လိုက်နှုတ်ဆက်နေဖို့ မလိုဘူး။ မင်္ဂလာပွဲပြီးလို့ ရလာမယ့် လက်ဖွဲ့ငွေကို ဟိုဘက်ဆွေမျိုး ဒီဘက်ဆွေမျိုး သူပိုင်တယ် ကိုယ်ဆိုင်တယ်နဲ့ လုနေစရာမလိုဘူး။ မင်္ဂလာတော့ရှိချင်မှ ရှိမယ်။ ဒါပေမယ့် သူတို့မှာ အပြုံးတွေ ရှိတယ် - ကိုယ်ပိုင် ယုံကြည်ချက်တွေ ရှိတယ် - အနာဂတ် အိပ်မက်တွေလည်း ပုံဖော်ပြီးသား ရှိချင် ရှိနေနိုင်သေးတယ်။

ကျေးဇူးပြုပြီး လူငယ်တွေကို ပိုက်ဆံရနည်း သင်မပေးကြစမ်းနဲ့ ယုံကြည်ချက်ရှာဖွေနည်းကိုသာ ခင်ဗျားတို့ ပေးကြစမ်းပါ။

ကျုပ်လား ??
ငွေလည်း မရှိဘူး။
အိမ်လည်း မရှိဘူး။
ကားလည်း မရှိဘူး။

ဒါပေမယ့် ကျုပ်မှာ -
၁၀ ဒေါ်လာ ကို အရစ်ကျပေးစနစ်နဲ့ ဝယ်ထားတဲ့ ဖုန်းတစ်လုံး။
ခြောက်လ တစ်ခါလောက် ပြင်နေရတဲ့ ခပ်စုတ်စုတ် ကွန်ပြူတာတစ်လုံးနဲ့
ခင်ဗျားတို့ သတ်လည်း ဘယ်တော့မှ မသေတဲ့ ယုံကြည်ချက် ရှိတယ်။ ကျုပ်ဖြစ်အောင် ဆက်သွားမယ်။

KznT.

WFP is also part of the big team


Levendreams --

Since I last wrote you, I visited parts of Japan that were hit by the tsunami.

I thought I’d see wrecked houses, but it was worse. I could only see foundation stones of houses which barely showed that there were once houses here. I’ve never seen anything like it before. One minute, as you’re driving, everything looks normal. Cherry blossoms are in full bloom. The next minute, the whole scene drastically changes.

Everything was washed away. If you look carefully, you’ll see household items scattered across the ground: toys, notebooks, spices, pots and pans, a radio, photo albums – each of them a piece of somebody’s life.

Everyone in my group was silent. We didn’t know what to say.

That was the shocking part. Then we went to the Evacuation Centre where WFP was distributing high-energy biscuits and building a large tent that would be used as a warehouse to stock relief supplies. Here, I saw the remarkable strength and determination of the survivors. One man told me, “We will never give up. I promise you that this will be a great town the next time you come. With your cooperation, we will persevere.”

To see for yourself, watch this video of Japanese model Kurara Chibana visiting the wreckage and find out how your contribution is making a difference:




I saw with my own eyes that the aid we provided was effective. In gratitude to each and every supporter, the survivors repeatedly said “thank you”.

The people of Japan can feel that the world was there to help them. Donations came not only from developed countries but also developing countries – countries that Japan had helped in the past. It’s quite moving.

Lastly, I need to mention that the workers on the ground are absolute heroes. Many of them lost close family members and all their belongings, but they remain committed to helping other survivors and rebuilding their country.

Everyone is doing their part and working together. WFP is also part of the big team, supporting the local people and workers who are determined to support their fellows and rebuild their own country. It’s a truly unique and impressive operation.

Thank you for helping to make it possible,

Yuko

Ms. Yuko Yasuda
Japan Spokesperson
World Food Programme

P.S. To watch the longer version of the video, click here.

Fish Story

လူ့သက်တမ်း တစ်ဝက်ကျိုးပြီ ထင်တယ် - ဒါပေမယ့် ခုချိန်ထိ ခြေတစ်လှမ်း မလှမ်းရသေးဘူး - ဒီ ခြေလှမ်းလှမ်းမယ့် အချိန်ကိုပဲ စောင့်နေတဲ့ သူရှိတယ် - ဘာဖြစ်ဖြစ် အကောင်းဆုံး ဖြစ်အောင်လုပ်တဲ့ - လူလေကွာ - စိတ်မပါတဲ့ အရာကို ဖြစ်ညှစ်လုပ်ပြီး အောင်မြင်သွားပါတယ်ဆိုတဲ့ သူ ကမ္ဘာမှာ မင်း ဘယ်နှစ်ယောက်တွေ့ဖူးလို့လဲ - ရှိချင်လည်း ရှိမှာပေါ့ - ငါ ဗဟုသုတ နည်းတာလည်း ဖြစ်ကောင်း ဖြစ်နိုင်တယ်။

နောက်တော့ ဖြစ်လာမှာပေါ့ ဆိုတဲ့ စကားတွေ ကျေးဇူးပြုပြီး ငါ့ကို မပြောကြစမ်းပါနဲ့ - ငါ အဲ့စကားတွေနဲ့ ငါ့ အနာဂတ်ကို ငါ့ဘာသာ အမှောင်ချပြီး ဖြတ်သန်းလာတာ ဆယ်စုနှစ် တစ်နှစ်ကျော်ခဲ့ပြီ - ဘယ်မှာတုန်း နောက်တော့ - ဘယ်မှာတုန်း ဖြစ်လာမှာပေါ့ - ဘာမှ ဖြစ်မလာဘူး တွေ့ကြလား - ငါဆိုတဲ့ကောင် မနေ့ကလည်း ဒါပဲ - ဒီနေ့လည်း ဒါပဲ - အဲ့ဒီ့ နောက်တော့ ဆိုတာကို မျှော်မှန်းပြီး ရေလိုက် ငါးလိုက် နေလာတာ - ခု ငါဆိုတဲ့ ကောင် ရေထဲက ငါးသာသာဖြစ်နေပြီ - ဘယ်တော့ ငါ့ကို ပိုက်ကွန်ချမလဲ ဆိုတာ ငါတွေးကြောက်နေရပြီ။



ကိုယ်ပိုင်အတွေးတွေ ကိုယ်ပိုင်စိတ်ကူးတွေ အကြိမ်ပေါင်းမနည်း ဖြစ်တည်ခဲ့ဖူးပေမယ့် လူကြီးနဲ့ လူငယ် သဟဇာတ မမျှတမှုတွေ ကြားမှာ သူတို့တွေဖြစ်စေချင်တဲ့ အတိုင်း အဖိုးဖြတ်လို့မရတဲ့ ဘဝရည်မှန်းချက်တွေကို အဖန်တရာတေနေတဲ့ ခေါက်ရိုးကျိုး ဘဝတွေကြား ဈေးပေါပေါချရောင်းပြီး အပျင်းကြော အကြိမ်တစ်ရာမက ဆန့်ရင်း ဖြတ်သန်းခဲ့လိုက်တယ် - ခေါက်ရိုးချိုးခံရတာ များလို့လား မသိဘူး ခုတော့ အကြောတွေ ဆိုင်းနေပြီ - မတ်မတ်ရပ်ဖို့ ရုတ်တရက် ခါးကို ဆန့်တော့ ငါ့ခါးနောက်က မျက်ကနဲ အချက်ပြတယ် - ဒါ ဆုတ်ယုတ်မှုလား -

ဟင့်အင်း မလုပ်ကြပါနဲ့ - ကျေးဇူးပြုပြီး ငါ့ကို မတ်မတ်ရပ်ခွင့် ပြုကြပါ - ငါ့လေကို ငါရှုပါရစေ - ငါ့အနာဂတ်တွေကို ငါ့မျက်လုံးတွေနဲ့ ကိုယ်ပိုင်ကြည့်ခွင့် ရပါရစေ - ငါ့ အိပ်မက်တွေမှာ ငါကိုယ်တိုင်ပဲ ခြယ်လှယ်ခွင့် ရပါရစေ။

The Khan Academy

အင်တာနက်ဆိုတာ လေ့လာနည်း မသိခဲ့ရင် ဘာမှ လေ့လာစရာမရှိတဲ့ ဖျော်ဖြေရေးသီးသန့် ဝန်ဆောင်မှု တစ်ခုလိုပဲ - အင်တာနက် အသုံးပြုခြင်းဟာ ကောင်းလား ဆိုးလားဆိုတဲ့ မေးခွန်းကို ကိုယ်ကိုယ်တိုင်ပဲ ကြိမ်ဖန်မနည်း မေးခဲ့ဖူးတယ် - အဲ့မေးခွန်းကိုပဲ ကိုယ့်ဘာသာကိုယ် နည်းမျိုးစုံနဲ့ ကြိမ်ဖန်မနည်း ဖြေခဲ့ဖူးပြီ - ဒါပေမယ့် အင်တာနက် သုံးလာခဲ့တာ ကာလအပိုင်းအခြား တစ်ခုကို ရောက်လာခဲ့တော့ အင်တာနက်ရဲ့ ကောင်းမွေဆိုးမွေတွေ အကြောင်းကို တော်တော်လေး တီးမိခေါက်မိ ရှိလာခဲ့ပြီ -

တစ်ချို့ လူကြီးတွေက အင်တာနက် သုံးတာ မကောင်းဘူးလို့ မြင်တယ်။
တစ်ချို့ လူငယ်တွေက အင်တာနက်ဟာ မရှိမဖြစ်လို့ ယူဆတယ်။
အင်တာနက်ကြောင့်ပဲ လူငယ်တော်တော်များများ ပျက်စီးနေကြတယ်။
အဲ့ဒီ့ အင်တာနက်ကြောင့်ပဲ လူငယ်တော်တော်များများ ထိပ်ကို ရောက်သွားကြတယ်။


တကယ်တော့ အင်တာနက်ဟာ ကောင်းမွေ ဆိုးမွေဆိုတဲ့ အကျိုးသက်ရောက်မှုကို ဘယ်သူတစ်ဦးတစ်ယောက်ကိုမှ ဖန်တီးမပေးဘူး - အင်တာနက်သုံးခြင်းကြောင့် ဖြစ်ပေါ်လာတဲ့ ကောင်းမွေ ဆိုးမွေဆိုတာ လူငယ်တွေ ကိုယ်တိုင်ပဲ ဖန်တီးနေကြတာ။ တကယ်တော့ အင်တာနက်ဟာ လေ့လာမယ်ဆိုရင် လူငယ်တွေအတွက် တန်ဖိုးဖြတ်လို့ မရတဲ့ ပညာရေးရင်းမြစ်တွေ မကုန်မခမ်းနိုင်အောင် ရိှပါတယ်။ ဒါပေမယ့် တော်တော်များများကတော့ ရောထွေးနေတယ်။ လူဆိုတဲ့ သဘောက ကောင်းကောင်းကန်းကန်း တန်ဖိုးရှိတဲ့ အရာဆိုရင် ဘယ်သူမှ အလကား မပေးချင်ကြဘူး - ဥပမာ ကိုယ့်အတွက် အကျိုးရှိမှ - ကိုယ့်အတွက် ချက်ချင်း မကျိုးမဖြစ်တောင် နောက်တစ်ချိန်မှာ အကျိုး ရှိကောင်း ရှိလာနိုင်မယ်လို့ ထင်မှ ပေးကမ်းပါတယ် စွန့်ကျဲပါတယ် လှူဒါန်းပါတယ် အမည်ခံပြီး ပေးချင်ကမ်းချင် ကြတာမျိုး။ ဒီလို လူတွေက ဘဝထဲမှာတင် ရှိတာမဟုတ်ဘူး - အင်တာနက်ပေါ်မှာလည်း ရှိတယ်။ အဲ့လို လူတွေများလာတော့ နောက်ပိုင်း ဘယ်လိုဖြစ်လာလဲ ဆိုရင် သူလိုကိုယ်လို လူတော်တော်များများက အလကားပေးတာဆို အင်လို့ပဲ ထင်ကြတော့တယ်။ ပိုက်ဆံလေး ပေးပြီးဝယ်သုံးလိုက်ရမှ အစစ်ရတော့ မလိုလို - ငွေလေးပေးလိုက်ရမှ အပြည့်အတင်း ရတော့မလို ထင်မှတ်လာကြတယ်။ တကယ်တော့ အင်တာနက်ပေါ်မှာ ပညာရေးပိုင်းဆိုင်ရာ နည်းပညာပိုင်းဆိုင်ရာနဲ့ ပတ်သတ်ပြီး အလကားမတ်တင်း ပိုက်ဆံတစ်ပြားတစ်ချပ် မရပဲ ကိုယ်ပိုင်အချိန်တွေထဲကနေ အတိုင်းအတာ တစ်ခုထိ အချိန်ပေးပြီး မျှဝေပေးနေတဲ့ ပညာရပ်ပိုင်းဆိုင်ရာ ဖြန့်ဖြူးသူတွေ ဝက်ဘ်ဆိုဒ်ကောင်းတွေ တော်တော်များများကို ရှိပါတယ်။

တစ်ချို့က စာအုပ်စာတမ်းတွေ Free ပေးတယ် - တစ်ချို့က Video clips တွေလုပ်ပြီး ဝေမျှတယ် - လူတစ်မျိုး ပုံစံတစ်ခုနဲ့ ဝေမျှနေကြတာကို ကြည့်ပြီး တစ်ချို့က အလကားမတ်တင်း ရတဲ့ ဒီဝေမျှကို နည်းမျိုးစုံနဲ့ ကဲ့ရဲ့နေကြတာ ရှိတယ်။ တကယ်တော့ မျှဝေမှုတစ်ခု ကောင်းတယ် မကောင်းဘူးဆိုတာ လူတစ်ဦးတစ်ယောက်ရဲ့ သီးသန့်အမြင်တစ်ခုတည်းနဲ့ ပိုင်းဖြတ်လို့ မရနိုင်ပါဘူး။ တကယ်လို့ ကိုယ်က ပညာရပ်ပိုင်း ဆိုင်ရာ Professor တစ်ယောက်ဆိုရင် Techanical terms တွေကို ကောင်းကောင်း သိတာမို့လို့ ဆွေးနွေးမှု တစ်ခုကို ကြည့်တဲ့ အခါ သူကျွမ်းကျင်ပြီးသား စာလုံးတွေနဲ့ ဖော်ပြတာမျိုးကို ပိုပြီး သဘောကျကောင်း ကျလိမ့်မယ်။ ဒါပေမယ့် Techanical terms ကိုဘာမှ မသိတဲ့ လေ့လာသူတစ်ယောက်ဆိုရင်တော့ တတ်နိုင်သမျှ အခြေခံအကျဆုံးထိ ဆင်းပြီး ရှင်းပြတာမျိုးကို ပိုလိုချင်လိမ့်မယ်။ အဲ့တော့ လူတစ်ယောက်ချင်းစီရဲ့ ကျွမ်းကျင်မှုပေါ် မူတည်ပြီး လိုလားချက်က ပြောင်းသွားတာမို့လို့ ဒီလိုမျိုး ကိစ္စတွေက အငြင်းပွားနေဖို့ မသင့်ဘူး။ ကျွန်တော့် အမြင်နဲ့ ပြောရရင်တော့ သင်ကြားမှုတစ်ခုဟာ သင်ယူမယ့်လူရဲ့ အခြေခံအရည်အသွေးကို လိုက်ပြီး တတ်နိုင်သမျှ အသေးစိတ်တာ အဖြစ်သင့်ဆုံးပဲလို့ ထင်မိတယ်။

အဲ့တာနဲ့ ဆက်စပ်ပြီး ကိုယ် ဖြတ်သန်းခဲ့ရတဲ့ ပညာရေးစနစ် - ကိုယ်ရပ်တည်ခဲ့တဲ့ မြန်မာမှု ပညာရေး အသိုင်းအဝိုင်းကို ပြန်ကြည့်တော့ လွဲမှားနေတာတွေလည်း မနည်းမနောတွေ့ခဲ့ရတယ်။ ဥပမာ ဆိုကြပါစို့ -

ကျွန်တော်တို့ကို ကလေးတစ်ယောက်က သူနားမလည်တဲ့ သချာင်္ပုစ္ဆာ တစ်ပုဒ်ကို ဖြေရှင်းနည်း လာမေးပါပြီတဲ့ - ကျွန်တော်တို့ သူလာမေးတဲ့ ပုစ္ဆာကို ကြည့်လိုက်တော့ အကြည့်တစ်ချက်နဲ့တင် အဖြေက တန်းထွက်နေပြီ - သူ့အတွက် အရမ်းခက်ခဲနေတဲ့ ပုစ္ဆာလေးကို ကျွန်တော်တို့ တစ်ချက်ကြည့်ရအောင် - ပုစ္ဆာက -

7x = 14

ဒီပုစ္ဆာကို ကျွန်တော်တို့ ဖြတ်ကနဲကြည့်တော့ x ရဲ့ တန်ဖိုးဟာ 2 ဆိုတဲ့ အဖြေကို ချက်ချင်း တန်းရတယ် - အဖြေတန်းရတာတော့ ဟုတ်ပြီ - အဲ့အဖြေဘယ်လို ရတယ်ဆိုတာ ကလေးကို ကျွန်တော်တို့ ဘယ်လို ရှင်းပြကြမလဲ ? ဒီအချိန်မှာ ကျွန်တော်တို့ ဖြတ်သန်းခဲ့ကြတဲ့ ပညာရေး စနစ်ကို တစ်ချက်လောက် ပြန်ဆွဲခေါ်ကြည့် ကြရအောင်။ ကျွန်တော်တို့ ဖြတ်သန်းခဲ့ကြတာ ဘာလာလာ အလွတ်ကျက် ပညာရေး စနစ်ဖြစ်တယ်။ 7x = 14 ဆိုတဲ့ ပုစ္ဆာကို မဖြေရှင်းနိုင်တဲ့ ကျောင်းသားတစ်ယောက် ကျွန်တော့်ကို စာလာမေးရင် ကျွန်တော် အရင်ဆုံး မှတ်ချက်ပေးမိမှာတော့ မင်းအလီမကျက်ဘူးလားဆိုတဲ့ မှတ်ချက်ပဲ ဖြစ်မှာပဲ။

သွား အလီစာအုပ်ယူ - အလီ ခုချက်ချင်း ကျက်
အလီရရင် ပြန်လာခဲ့ - အလီကျက်လို့ ရရင် ဒီ ပုစ္ဆာမင်းတွက်လို့ ရလိမ့်မယ်။

ကလေးက ကျက်ပါပြီ -

တစ်တစ်လီ တစ် - နှစ်နှစ်လီ နှစ်
လေးနှစ်လီ ရှစ် - ဆယ့်နှစ် နှစ်လီ နှစ်ဆယ့်လေး

ကျက်လို့ ရသွားတော့ ကလေးက ပြန်လာပြီ -

ဒီမှာတွေ့လား ပုစ္ဆာက 7x = 14 - အဲ့တော့ x နဲ့ မြှောက်ထားတဲ့ 7 ကို ညီမျြှခင်းရဲ့ ဟိုဘက်ကို ပို့ - ဒီဘက်မှာ 7 က x နဲ့ မြှောက်ထားတယ်ဆိုတော့ ဟိုဘက်ခြမ်းကို ရောက်ရင် 14 ကို 7 နဲ့စား။ အဲ့လို စားတော့ ခုနှစ် နှစ်လီ 14 မဟုတ်ဘူးလား - အဲ့တော့ x = 2 ရတယ်။ ဒါ ကျွန်တော်တို့ ရှင်းပြနေကျ နည်းပဲ။ အဲ့တော့ အဖြေကတော့ ထွက်ပါပြီ။ ဒါပေမယ့် ဒီ သင်ကြားမှု စနစ်ကနေ ကလေး ဘာရသွားသလဲ ?? တကယ်တော့ ကလေးဘာမှ မရပါဘူး - ကလေးစိတ်ထဲမှာ ဒီပုစ္ဆာကနေ ပညာမရပဲ ငါအလီ မရရင် ဒီပုစ္ဆာတွက်လို့ မရနိုင်တော့ဘူး ဆိုတဲ့ Pressure ပဲ ရသွားတယ်။ဒါဟာ သိပ်ကြောက်ဖို့ကောင်းတဲ့ ပညာရေး ရည်မှန်းချက် ဆုံးရံှုးမှုတစ်ခုပဲ။ ဒီမှားယွင်းတဲ့ ယုံကြည်ချက်နဲ့ ရှင်သန်နေတဲ့ ကျွန်တော်တို့ရဲ့ သင်ကြားမှုစနစ်ကြောင့် Pressure ဒဏ်ကို မခံနိုင်တဲ့ လူငယ်တော်တော်များများ ပညာရေးကို စိတ်ကုန်သွားကြတယ်။ တစ်ချို့လူငယ်တွေ ပညာရေးတစ်ပိုင်း တစ်စနဲ့ လမ်းမှားလိုက်သွားကြတယ်။

အဲ့တော့ 7x = 14 ဆိုတဲ့ ပုစ္ဆာကနေ အလီကျက်စရာ မလိုပဲ ကလေးတစ်ယောက်ကို ဖြေရှင်းနည်း ဘယ်လို သင်ပေးကြမလဲ။ တကယ်တော့ 7x = 14 ဆိုတာ x ကို ခုနစ်ကြိမ် ခုနစ်ခါ ပေါင်းထားခြင်းဟာ 14 နဲ့ ညီတယ်ဆိုတဲ့ သဘောကို ကလေး အရင် သိထားဖို့ လိုတယ်။ ဆိုလိုတာ -

x + x + x + x + x + x + x = 14 ပေါ့

အဲ့ကနေ ညီမျြှခင်း တစ်ဖက်နဲ့ တစ်ဖက်ကို အောက်ဖော်ပြပါအတိုင်း အချိုးညီအောင် ပိုင်းပြီး အဖြေရှာရင် အလီကျက်စရာမလိုပဲ အဖြေရမယ်ဆိုတာကိုတော့ ကျွန်တော်တို့ ငယ်ရွယ်စဉ် တစ်ချိန်က မသိခဲ့ကြဘူး။


တကယ်တော့ ဒီအကြောင်းအရာက Khan Academy အကြောင်းရေးထားတဲ့ ပို့စ်တစ်ခုကို ဖတ်မိပြီး စိတ်ထဲ ဖြစ်မိတာလေးကို ပြန်ရေးထားတာပါ။



Khan Academy ဆိုတာ လေ့လာသူ ကျောင်းသားလူငယ်တွေအတွက် Free educational videos တွေကို ဝေမျှပေးနေတဲ့ ပညာရေး ဆိုဒ်တစ်ခုလို့ ပြောလို့ ရပါတယ်။ သူတို့ရဲ့ ရည်မှန်းချက်က "Deliver a world-class education to anyone anywhere." ပါ။ ပြောရရင် အပေါ်မှာ ပြောခဲ့ပြီးတဲ့ ပိုက်ဆံတစ်ပြားတစ်ချပ် မရပဲ ကိုယ်ပိုင်အချိန်တွေထဲကနေ အတိုင်းအတာ တစ်ခုထိ အချိန်ပေးပြီး မျှဝေပေးနေတဲ့ ပညာရပ်ပိုင်းဆိုင်ရာဆိုဒ်ကောင်း တစ်ခုပေါ့ - အံ့သြဖို့ ကောင်းတာ ဆိုဒ်ကို တည်ထောင်ပြီး lessons ပေါင်းများစွာကို အခမဲ့မျှဝေပေးနေတဲ့ Mr.Khan ရဲ့ အားထုတ်မှုပါပဲ။


အဲ့မှာ တင်ပေးထားတဲ့ Videos တွေကို ကြည့်မိတော့ ဘာမှ အတွေ့အကြုံ မရှိတဲ့ လူတစ်ယောက်ကိုတောင် နားလည်နိုင်အောင် ရှင်းပြပေးနိုင်တာ တွေ့ရတယ်။ သွား ခု အလီကျက်ဆိုတဲ့ Pressure ပေးနည်းမျိုး မဟုတ်ဘူး။  ဒီအောက်မှာ ဖော်ပြပေးထားတဲ့ ဗွီဒီယိုလေးကို အစမ်းကြည့် ကြည့်ပါ။


အဲ့တော့ ဘာသွား သတိထားမိလည်းဆိုရင် နိုင်ငံတိုးတက်ဖို့ ဖွံ့ဖြိုးဖို့ဆိုတာ ခဏဘေးချိတ်ထားလိုက်ဦး ကျွန်တော်တို့ သားသမီးတွေရဲ့ အနာဂတ်ပညာရေးအတွက် ကျွန်တော်တို့တွေရဲ့ ခေါင်းဟာ Pressure ပညာရေး ကို လက်ဆင့်မကမ်းမိဖို့ အများကြီး လေ့လာဖို့လိုပြီ ဆိုတာ သတိထားမိ လာခဲ့တယ်။

အဲ့တော့ နိဂုံးချုပ်ချင်တာ မိသားစုဝင်များ အနေနဲ့ အင်တာနက်ကို အသုံးပြုပြီး ကိုယ့်ဘဝအတွက် အကျိုးပြုမယ့် လေ့လာမှုတွေ လုပ်ဆောင်ကြပါ - လက်ဆင့်ကမ်းနိုင်ဖို့ ပြင်ဆင်ကြပါ။ အင်တာနက်ကြောင့် ပျက်စီးရတဲ့ လူငယ်မျိုး မဖြစ်စေပဲ - အင်တာနက်ကြောင့် ထိပ်ကို ရောက်သွားတဲ့ လူငယ်တွေ ဖြစ်လာဖို့ တည်ဆောက်ကြပါလို့ အဆုံးသတ်မှာလိုက်ချင်ပါတယ်။


KznT.

Reading and Self Learning

စာဘာကြောင့် ဖတ်သင့်တယ် - စာဖတ်ခြင်းကနေ ဘယ်လို အကျိုးကျေးဇူးတွေ ရမယ် - ဘယ်လိုနေရာတွေမှာ စာဖတ်သင့်မယ် ဆိုတာကို ကျွန်တော်ရှေ့မှာ တော်တော်များများ အကြံပြုခဲ့ပြီးပြီ - ဒီ စာဖတ်ခြင်းနဲ့ပဲ ပတ်သတ်ပြီး ကိုzo ကနေ ဒီနေရာမှာ 10 steps to improving reading ဆိုတာ ရေးပေးနေတာ ရှိတယ် - တကယ်ကို တန်ဖိုးရှိပါတယ်။ ကျွန်တော်ကိုယ်တိုင်လည်း အင်တာနက်ထဲမှာ အားတဲ့အချိန်တိုင်း စာဖတ်လေ့ ရှိပေမယ့် vocabulary တိုင်းကို နားမလည်နိုင်သေးဘူး - ဖတ်လေ မသိလေလို့ ပြောရင်တောင် ပိုမှန်မလားပဲ - အဲ့အတွက်လည်း အားငယ်စရာ မလိုဘူး - စာဖတ်သူတစ်ယောက် အနေနဲ့ ဘယ်လို ခံယူချက်ထားရမယ် - ဘယ်လို ပြင်ဆင်ရမယ် ဆိုတာကို ကိုzo ရေးတဲ့ 10 steps to improving reading မှာ လေ့လာနိုင်သလို ကျွန်တော် တစ်ချိန်က ရေးခဲ့ပေးဖူးတဲ့ Self-Learner and Self-Learning ဆိုတဲ့ ခေါင်းစဉ်အောက်မှာလည်း လေ့လာနိုင်ပါတယ် -

လူတစ်ယောက် စာဖတ်ဖြစ်လာဖို့အတွက် ဘာတွေ အဓိက အလိုအပ်ဆုံးလဲ ဆိုတာကို ကျွန်တော် အချိန်တိုင်း စဉ်းစားဖြစ်တယ် - လိုအပ်ချက်တွေကတော့ အများကြီးပေါ့လေ - ဒါပေမယ့် အားလုံးထဲက အခြေခံ အကျဆုံးဖြစ်နိုင်လောက်မယ့် အချက်တွေကို ခွဲထုတ်ကြည့်တော့ စုစုပေါင်း သုံးချက်ရှိတာ သွားတွေ့ရတယ် - အဲ့တာတွေက -

( ၁ ) စာဖတ်ချင်စိတ် ဖြစ်ပေါ်စေမှု - ဘယ်စာအုပ် ဘယ်လောက်ကောင်းပါတယ် ပြောပြော - ဘယ် အကြောင်းအရာက ဘယ်လောက် သိသင့်ပါတယ်ဆိုဆို လူတစ်ယောက်မှာ စာဖတ်ချင်စိတ် ရှိမနေရင် ဘယ်စာကိုမှ ဖတ်ဖြစ်လာမှာ မဟုတ်ပါဘူး - အဲ့ဒီ့စိတ် မိသားစုဝင်တိုင်းမှာ ဖြစ်လာစေဖို့ ကျွန်တော်တို့ဘက်က ဖန်တီးပေးဖို့ မဖြစ်နိုင်သလို ဘေးလူတစ်ယောက်က ဝင်ပြီး ပျိုးထောင်ပေးဖို့လည်း မလွယ်ကူနိုင်ပါဘူး - ဒီစိတ်ဟာ ကိုယ်ကိုယ်တိုင် ပျိုးထောင်ယူရမယ့် အခြေခံအဆင့်ပါ - ဒီစိတ်ကို အောင်နိုင်ဖို့အတွက် တစ်နေ့ကို ဖတ်ရမလွယ်တဲ့ စာ ( ၂ ) ပုဒ်လောက် နေ့စဉ်ပုံမှန် အချိန်ပေးပြီး ဖတ်ကြည့်ပါ - ဖတ်ရမလွယ်တဲ့ စာ ( ၂ ) ပုဒ်လောက် ဆိုလို့ မိသားစုဝင်များ ဘယ်လိုပါလိမ့်လို့ သိချင်ကြလိမ့်မယ်။



ဖတ်ရမလွယ်သော စာ ( ၂ ) ပုဒ်

ကျွန်တော်တို့ မြန်မာမိသားစုဖိုရမ်ဟာ နည်းပညာပိုင်းဆိုင်ရာ အထောက်အကူ ပြုနိုင်ရေးအတွက် ဦးတည်ချက်ထားပြီး တည်ဆောက်ခဲ့တာမို့လို့ ကျွန်တော် ဒီနေရာမှာ နည်းပညာကို အခြေခံပြီးပဲ ဥပမာ ပေးပါရစေ - ကျွန်တော် လက်လှမ်းမှီသမျှ မြန်မာလူငယ်အများစုကို လေ့လာကြည့်တဲ့ အချိန်မှာ လူငယ်တော်တော်များများ စာဖတ်အားနည်းကြတာ သတိထားခဲ့မိသလို - စာဖတ်လေ့ဖတ်ထရှိတဲ့ လူငယ်တွေ ဆိုရင်လည်း မြန်မာဘလော့တွေ ဖိုရမ်တွေနဲ့ ဝက်ဘ်ဆိုဒ် တော်တော်များများကိုပဲ လည်ပတ်သွားလာကြတာကိုပဲ တွေ့ရတယ် - ဒါတောင် နေ့တိုင်း ဖတ်ဖြစ်တာမျိုး မဟုတ်သေးဘူး - နည်းပညာပိုင်းဆိုင်ရာ လေ့လာလိုတဲ့ မြန်မာလူငယ်တွေ အနေနဲ့ မြန်မာဘလော့တွေ ဖိုရမ်တွေနဲ့ ဝက်ဘ်ဆိုဒ် တော်တော်များများက ရေးလေ့ရှိတဲ့ အကြောင်းအရာ ဖတ်ယုံနဲ့တင် မလုံလောက်ပါဘူး -

ဘာကြောင့် ဒီစကားကို ပြောလဲဆိုရင် နည်းပညာနဲ့ ပတ်သတ်နေတဲ့ မြန်မာဘလော့ ဖိုရမ်တွေ တော်တော်များများဟာ စာကို အပေါ်ယံလောက်ကနေပဲ ရှပ်ရေးကြတာ များတယ် - တကယ်တမ်း ကိုယ်အသေးစိတ် သိချင်တဲ့ အကြောင်းအရာတွေဆိုရင် အဖျားရှုးပြီး လမ်းစပျောက် သွားတတ်ကြတယ် - ဒါကလည်း ဘယ်သူ့အပြစ်မှ မဟုတ်ဘူး - လူတိုင်းက သူ့ကိုယ်ပိုင်အချိန်နဲ့ လည်ပတ်ရတာမို့လို့ ဘယ်သူ့ကိုမှ အပြစ်တင်ဖို့လည်း မဖြစ်နိုင်ဘူး - နည်းပညာနဲ့ ဆိုင်တဲ့ မြန်မာဘလော့ တော်တော်များများဟာ စာဖတ်အားနည်းမှု - အချိန်မပေးနိုင်မှု ဆိုတာတွေကြောင့် တကယ်တမ်း လေ့လာသူတစ်ယောက်အတွက် သိသင့်သိထိုက်တဲ့ အကြောင်းအရာတွေကို ချမပြနိုင်ကြတာများတယ် - စာဖတ်သူမေးတဲ့ မေးခွန်းလေးတွေ အချိန်ရရင် ဖြေပေးမယ် - တောင်းတာလေးတွေ ဖြည့်ဆည်းပေးမယ် - အချိန်ရလို့ ဖတ်ဖြစ်ခဲ့ပြီး ကိုယ်သိထားတာလေး တစ်ခုစ နှစ်ခုစ ပြန်ရေးပေးမယ် ဒါက မြန်မာနည်းပညာ ဘလော့တွေ ဖိုရမ်တွေတိုင်း လည်ပတ်နေကြတဲ့ ပုံစံပါ - အဲ့တော့ စာရေးသူတွေ ဘက်ကမကြည့်ပဲ ကျွန်တော်တို့ စာဖတ်သူတွေဘက်က ကြည့်မယ်ဆိုရင် ဘာတွေဆုံးရံှုးသွားလဲ ဆိုတော့ နည်းပညာနဲ့ ပတ်သတ်ပြီး သိသင့်သိထိုက်တာတွေ မသိရတော့ဘူး - စာရေးသူ အားသလောက်လေး ရေးထားတာကိုပဲ ဖတ်ဖြစ်တာမို့လို့ သူပေးသလောက်ပဲ သိတယ် - တစ်ခြားထူးပြီး ဘာမှ မသိဘူး - နောက်ပြီး စာရေးသူ တော်တော်များများက အချိန်ပေး အားစိုက်ပြီး ရှင်းပြတာမျိုး တော်ယုံမရှိတတ်လို့ မြန်မာဘလော့တွေ ဖိုရမ်တွေ ဖတ်ရတာ အင်မတန်မှကို လွယ်တယ် - ဒါသိချင်လား ဟိုကိုသွား - ဟိုဟာလား ဟိုလိုလုပ်လိုက်လေ နဲ့ ရေးတတ်တာမျိုး ဆိုတော့ မျက်လုံးတစ်ချက် အထက်အောက် စုန်ဆန်ကြည့်လိုက်တာနဲ့တင် ဒီပို့စ်ကနေ ကိုယ့်အတွက် ဘာအကျိုးကျေးဇူး ရနိုင်မယ်ဆိုတာ ခန့်မှန်းလို့ ရတယ် - ခုလို အခြေအနေမျိုးတွေမှာ တစ်နေ့နဲ့ တစ်နေ့ တက်လာသမျှ မြန်မာဘလော့ ဖိုရမ်တိုင်းက စာတွေ လှည့်ပတ်ဖတ်ဖြစ်ယုံနဲ့ ကိုယ်ကိုယ်ကိုယ် စာဖတ်ဖြစ်ပါတယ်လို့ ထင်နေရင် အမှားကြီး မှားပါလိမ့်မယ်။ အဲ့တာကြောင့် မိသားစုဝင်တွေအနေနဲ့ စာဖတ်မယ်လို့ စိတ်ကူးရှိတဲ့ အခါ ဖတ်ရလွယ်တဲ့ အကြောင်းအရာတွေတင်မက ဖတ်ရမလွယ်တဲ့ နိုင်ငံခြား ဖိုရမ် ဘလော့ ဝက်ဘ်ဆိုဒ်တွေက အကြောင်းအရာတွေ ဖတ်ဖြစ်ဖို့ကိုပါ ကြိုးစားကြည့်ပါ -

နိုင်ငံခြားဘာသာနဲ့ ပတ်သတ်ရင် မြန်မာလူငယ် တော်တော်များများ အင်္ဂလိပ်ဘာသာနဲ့ အကျွမ်းဝင်ကြတာမို့လို့ အင်္ဂလိပ်လိုရေးထားတဲ့ ဘလော့တွေဖတ်ကြည့်ကြဖို့ တိုက်တွန်းချင်တယ် - အကျွမ်းဝင်တယ်ဆိုတာ ကျွမ်းကျင်တာ မဟုတ်ပါဘူး - ဒါ့ကြောင့် ဖတ်ဖြစ်တဲ့ အချိန်မှာ မလောပါနဲ့ - ဒီစာလုံးလေးတွေလွယ်ပါတယ် ဆိုပြီး ကျော်မဖတ်ပါနဲ့ - အဲ့ဒီ့လွယ်တဲ့ နားလည်ထားပြီးသား အင်္ဂလိပ်စာလုံးတွေကပဲ တစ်ခြားစာလုံးတစ်ခုခုနဲ့ ဆက်တွဲလိုက်တဲ့ အခါ နောက်တစ်မျိုး အဓိပ္ပါယ် ပြောင်းသွားတာတွေ - စာကြောင်းတစ်ခုနဲ့ တစ်ခုကို ဆက်ထားတဲ့ စကားဆက်တွေမှာ အသုံးပြုတဲ့ နေရာပေါ်မူတည်ပြီး ရည်ညွှန်းချက် မတူတာတွေက အစ သတိထားမိနိုင်ဖို့ ကြိုးစားဖတ်ပြီး ဘာသာပြန်ယူကြည့်ပါ - Posts အရေအတွက် များများဖတ်ဖြစ်ဖို့ ကျွန်တော်တို့အတွက် အရေးမကြီးဘူး - ဖတ်ဖြစ်တဲ့ Post ကို ကိုယ်ဘယ်လောက်ထိ နားလည်သလဲ ဆိုတာက ပိုပြီး အရေးကြီးပါတယ် - ကိုယ်နားလည်ထားတာလေးတွေ ဖတ်မိတာလေးတွေကို မြန်မာမိသားစုဖိုရမ်က မဖတ်ဖြစ်သေးတဲ့ တစ်ခြား မိသားစုဝင်တွေအတွက် လာပြီး မျှဝေလှည့်ပါ - ဒီလိုမျိုးသာ မိသားစုဝင်တွေ တစ်နေ့ကို နှစ်ပုဒ် နှစ်ပုဒ်နဲ့ ဖတ်ဖြစ် မျှဝေဖြစ်လာရင် နောက် လနဲ့ချီလာတဲ့ အခါ မိသားစုဝင်တွေ ကိုယ်တိုင်လည်း စာဖတ်အား တက်လာသလို ကျွန်တော်တို့ ဖိုရမ်ဆိုတာလည်း Contributors တွေ အများကြီးကို ဖြစ်လာလိမ့်မယ်။ အဲ့တာကြောင့်မလို့ ဖတ်ရမလွယ်တဲ့ စာ ( ၂ ) ပုဒ်လောက် နေ့စဉ် ဖတ်နိုင်အောင် ကြိုးစားကြဖို့ တိုက်တွန်းလိုပါတယ်။

( ၂ ) ဖတ်ရှု့ရမည့် နေရာကောင်းများ မသိရှိမှု - တစ်ချို့က စာဖတ်ချင်စိတ် ရှိပေမယ့် ဘယ်နေရာတွေမှာ စာဖတ်ရမယ်မှန်း တိတိကျကျ မသိကြဘူး - အဲ့လိုမဖြစ်ရအောင် စာဘယ်လိုဖတ်ရမယ် ဆိုတာ ကျွန်တော် ဒီ လူငယ်နှင့် ပညာရေး ဆိုတဲ့ Thread အောက်က ပထမဆုံး post မှာ ဖော်ပြပေးခဲ့ပါတယ်။ အဲ့အကြောင်းကို စရေးခဲ့စဉ်တုန်းက ကျွန်တော့်ဆီမှာ Blogs ပေါင်း ရ၈၀ ပဲ ရှိသေးတယ် - ခု ကျွန်တော် စုထားတာ ဝက်ဘ်ဆိုဒ်ပေါင်း ၁၀၀၃ ခုရှိသွားပါပြီ - လိုအပ်သူများ ဒီနေရာကနေ ယူနိုင်ပါတယ်။ ကျွန်တော့် စိတ်ကြိုက် စုထားတာတွေမို့လို့ မိသားစုဝင်တွေ ဖတ်ရှုချင်တဲ့ ဘလော့မျိုးတွေ မပါလာတာမျိုး ရှိကောင်း ရှိနိုင်ပါတယ် - အဲ့အတွက် ကျွန်တော်ထပ်ပြီး ဝက်ဘ်ဆိုဒ်ကောင်းတွေ ဘယ်လိုရှာဖွေရမယ် ဆိုတာ ရေးပေးပါဦးမယ်။

( ၃ ) အခြေအနေ အချိန်အခါနှင့် အခွင့်အရေး မရရှိမှု - မအောင်မြင်ကြတဲ့ လူတိုင်းမှာ ဆင်ခြေရှိသလို - မလုပ်ဖြစ်လိုက်တဲ့ သူတိုင်းမှာလည်း အသင့်ပေးစရာ ဆင်ခြေက ရှိနေပြီးသား ဖြစ်နေတတ်တယ် - ကျွန်တော်ကိုယ်တိုင်လည်း တစ်ခုခု မလုပ်ဖြစ်ရင် ကိုယ်တကယ် မလုပ်နိုင်ခဲ့တာ သေချာရဲ့လား ဆိုတာ အရင်မဆန်းစစ်ပဲ တစ်ခြားအကြောင်းအရာတစ်ခုခုက ကိုယ့်ကိုယ် တုပ်နှောင်ထားလို့ မလုပ်ဖြစ်သလိုမျိုး ဆင်ခြေအရင်ဆုံး ပေးခဲ့ဖူးတယ် - ကျွန်တော်တို့ မြန်မာလူငယ်တွေ သိထားသင့်တာ တစ်ခုက အခွင့်အရေးဆိုတာ ဆင်ခြေပေးတတ်သူတွေအတွက် ဘယ်တော့မှ အသင့်ရှိမနေတတ်ဘူး - အခွင့်အရေးလိုချင်ရင် ကိုယ့်ကိုယ်ကိုယ် ဆင်ခြေပေးတတ်သူ မဖြစ်အောင် အရင်ဆုံး ပြင်ဆင်ပါ။

ဒီအဆင့် သုံးခုကို ဖြတ်ကျော်ပြီးရင် အခွင့်အရေးရှိရာကို သွားတတ်တဲ့ ( ဝါ ) မိမိအတွက် - မိမိ မိသားစု မိမိပတ်ဝန်းကျင် - မိမိလူမျိုး - မိမိနိုင်ငံအတွက် အခွင့်အရေး ရလာအောင် ဖန်တီးတတ်တဲ့ မျိုးဆက်သစ်တွေ ဖြစ်လာဖို့ အစပျိုးပြီး ဖြစ်ပါလိမ့်မယ်။

KznT.

Thingyan Feeling


သက္ကရာဇ် ၂၀၀၀ တည်းက သင်္ကြန်ကို ဘာမှန်း မသိခဲ့တာ ခုချိန်ထိလည်း ဘာမှန်း ခံစားခွင့် မရခဲ့ဘူး - သင်္ကြန်ဆို ဒီလိုပဲ အဓိပ္ပါယ်မရှိတဲ့ ပတ်ဝန်းကျင်မှာ ဟိုငေး ဒီငေးနဲ့ တစ်ယောက်တည်း ခပ်ဆွေးဆွေးပဲ နေဖြစ်ခဲ့တယ် - လူဖြစ်ကြတာချင်း တူပေမယ့် ခံစားခွင့် မတူကြတဲ့ သူတွေ - ကိုယ့်အတွက် အခွင့်အရေး မရှိပေမယ့် သူတို့အတွက် အခွင့်အရေး ရှိနေကြတာတွေ တွေ့ရရင် ဘဝဆိုတာ စချိန်ကတည်းက သမာဓိ မရှိတဲ့ လျှာတစ်ဖက်စောင်း ချိန်ခွင်ထဲမှာ ကိုယ့်ကို ထည့်ချိန် ခံနေရသလိုပဲ ခံစားရတယ် -

ဘယ်သူတရားပျက်ပျက် ကိုယ်မပျက်နဲ့ ဆိုတဲ့ စကားက လူသားဆန်ချင်တဲ့ လူတစ်ယောက်အတွက် အချိန်တိုင်း လက်ကိုင်ထားနိုင်ဖို့ သေချာလို့လား ?? ကိုယ်သေလောက်အောင် ကြိုးစားလည်း မရလာခဲ့တဲ့ အရာတွေ - တစ်နေလုံး တစ်ညလုံး ကုံးရုန်းရှာတာတောင် မိသားစု ထမင်းနပ်မှန်နိုင်ဖို့ မကာမိနိုင်တဲ့ သူတြွေကားမှာ သူတို့ ဘယ်လောက်ထိ တင်းခံနိုင်မှာလဲ - ကျုပ်ကော ဘယ်လောက်ထိ တင်းခံနိုင်မှာလဲ - လူတစ်ယောက်ရဲ့ ခံစားချက်ကို ပတ်ဝန်းကျင်က ဘောင်ခတ်တယ် - လူတစ်ယောက်ရဲ့ ရပ်တည်ခွင့်ကို ပြဌာန်းချက်တစ်ချို့က တုပ်နှောင်တယ် - လူဆိုတာ မွေးလာကတည်းက ငါကြီးလာရင် မကောင်းတာ လုပ်ပြီး ဗီလိန် အကြီးစားဖြစ်ရမယ် - ဂျပိုး သူခိုး ဖြစ်ရမယ်လို့ ဦးတည်ချက် ထားတဲ့သူ တစ်ယောက်မှ မရှိကြဘူး - အားလုံး လူတော် လူကောင်းတွေ / ပညာရှိ ပညာတတ်တွေ / အများအကျိုး သယ်ပိုးနိုင်သူတွေပဲ ဖြစ်ချင်ခဲ့ကြတာပဲ - ဒါပေမယ့် -

  • ရောမရောက်ရင် ရောမလို ကျင့်
  • သူများ မိုးခါးရေ သောက်ရင် ကိုယ်လည်း လိုက်သောက်

ဆိုတဲ့ စကားတြွေကားမှာ ပညာတတ်တွေ ပညာမဲ့ကုန်ကြတယ် - ပညာမဲ့တွေ သူခိုး - ဂျပိုးနဲ့ ဗီလိန်အကြီးစား ဖြစ်လာကြတယ် - ဒီစကားတွေကို ဘာရည်ရွယ်ချက်နဲ့ ဥပမာပေး ပြောခဲ့ကြတယ် ဆိုတာ ကျုပ် ကောင်းကောင်း မသိပေမယ့် ကျုပ်သိထားတဲ့ အဓိပ္ပါယ် ဖွင့်ဆိုချက်ကတော့ သေလောက်အောင် မုန်းစရာ ကောင်းတယ် - ဒါပေမယ့် ကျုပ် ဘယ်လောက် မုန်းနိုင်မှာလဲ - ဘယ်သူတွေ ဘယ်လောက် မုန်းမုန်း သောက်တဲ့ သူတွေကတော့ ပြည့်နေတာပဲလေ - နောက်ဆုံး မသောက်ချင်တဲ့ လူတွေပဲ လွင်တီးခေါင်ပြင်ထဲမှာ ကယ်သူမဲ့ပြီး ကျန်ခဲ့ကြတယ် - အချိန်တန်တော့ အဲ့လိုလူတွေလည်း သေကြကျေကြ - ဘယ်လိုလူတွေ ဘယ်လိုပဲ သေကြကျေကြ ဘယ်သူသေသေ ငတေမာရင်ပြီးရော ဆိုတဲ့ စကားနဲ့ မိုးခါးရေ သောက်တဲ့ လူတွေကတော့ ခုချိန်ထိ အသက်ရှင်နေခဲ့ကြတယ် - ဘဝတစ်ခု တည်တံ့မှုမှာ ရပ်တည်ရှင်သန်မှုက ပိုပြီး အရေးကြီးတာ မို့လို့ နောက်လူတွေကလည်း မိုးခါးရေ သောက်သူတွေကို အမှန်လို့ ယူဆတယ် - လွင်တီးခေါင်ပြင်ထဲက လူတွေလို ငမိုက်သားတွေလို့ အပြစ်တင်တယ် - အဲ့ဒီ့ ပြစ်တင်စကားတွေ ကဲ့ရဲ့ရံှု့ချမှုတွေရဲ့ ကြားမှာ ကိုယ့်ကိုယ်ကိုယ် ဘာလုပ်နေမှန်း ဂဃနဏ မသိကြတဲ့ လွင်တီးခေါင်ပြင်ထဲက လူတစ်ချို့ လူမသိအောင် ခါးကြားထဲ ဖွက်ပြီး ယူလာတဲ့ မိုးခါးရေဗူးကို မှောင်ရိပ်ကွယ်ပြီး ထုတ်သောက်ကြတယ် - အဲ့လိုနဲ့ မိုးခါးရေ သောက်သူ နဲ့ မိုးခါးရေ မသောက်သူ ဆိုတာ ခွဲခြားလို့ မရတော့ပဲ - မိုးခါးရေသောက်သူ နဲ့ မိုးခါးရေခိုးသောက်သူ ဆိုပြီး အုပ်စုနှစ်စုပဲ ကျန်ခဲ့တော့တယ် - ဒါပေမယ့် အုပ်စုနှစ်ခုလုံးကတော့ မိုးခါးရေ သောက်ကြတာချင်း တူတူပါပဲ -

အဲ့ဒီ့ အုပ်စုနှစ်ခုရဲ့ ကြားထဲမှာ အရင်လို မိုးခါးရေ လုံးဝမသောက်သူ လူတစ်စု ရှိနေသေးတယ် ဆိုတာကိုတော့ လူတိုင်း သတိမပြုမိကြတော့ဘူး - သတိပြုမိသူတစ်ချို့ ရှိပေမယ့် တစ်ချို့က ခေါင်းညိမ့် အသိအမှတ်ပြုယုံလောက် ပြုံးပြပြီး တစ်ချို့ကတော့ လူထန်းလူဆန်းတစ်ယောက်လို သနားစရာ အကြည့်နဲ့ နှုတ်ဆက်စကား ပြောကြတယ် - ခပ်ဝေးဝေး တစ်နေရာရောက်တော့ သူတို့ ခါးကြားက ရွှေရောင်ကွပ်ထားတဲ့ ဗူးတစ်ဗူးကို ခပ်သာသာဖြုတ်ပြပြီး နှုတ်ခမ်းဝမှာတေ့တယ် - ဆိုလိုတာကတော့ ခပ်စုတ်စုတ် မင်းဘဝကို အရောင်မြှင့်တင်ပေးဖို့ ဆိုတာ ဒီထဲက မိုးခါးရေကပဲ တတ်နိုင်သတဲ့ 

ကျုပ်လား ဟုတ်တယ် - ကျုပ် ခပ်စုတ်စုတ် လူတစ်ယောက်ပဲ - ဒါပေမယ့် ဘဝတစ်လျှောက်လုံးမှာ မိုးခါးရေ မသောက်ဖြစ်ဖို့ ကြိုးစားခဲ့တယ် - ဒါပေမယ့်လည်း ကျုပ် ဘယ်လောက်ထိ တင်းခံနိုင်မှာလဲ - လူတန်းစေ့ နေနိုင်ဖို့လိုတဲ့ ကျုပ်မိသားစု အတွက် လွင်တီးခေါင်ပြင်ထဲမှာ ကြာရှည် ကျုပ်ရပ်နေလို့ ဖြစ်ပါတော့မလား - အထဲမှာ ရေညှိတက် ပေကျံနေတာ သူတို့ မသိကြပေမယ့် ရွှေရောင်ကွပ်ထားတာကို မြင်တော့ ကျုပ်ရဲ့ အသိုင်းအဝိုင်းက ဒါကို အာသာငမ်းငမ်း လိုလားနေကြပြီ - ပတ်ဝန်းကျင်က ရိုက်ခတ်တဲ့ စကားသံတွေ - အပြိုင်အဆိုင် အလကားပေးနေတဲ့ မိုးခါးရေပုလင်းတွေ ကြားထဲမှာ တန်ဖိုးဖြတ်လို့ မရတဲ့ သန့်စင်မှုတစ်ခုအကြောင်း နာမဝိသေသနတွေ အလျှံအပယ်သုံးပြီး ကျောက်သင်ပုန်း တစ်ချပ်ပေါ်မှာ ကျုပ်တန်ဆာဆင်ပြလို့ မရတော့ဘူး - အဲ့လိုနဲ့ တစ်နေ့ - ကျုပ်ခါးကြားမှာ ရွှေရောင်ကွပ်ထားတဲ့ ဗူးတစ်ခု သူတို့ တွေ့ခဲ့ကြတော့မင်း ခုတော့ မိုးခါးရေ သောက်နေပြီ မလား ဆိုတဲ့ အကြည့်နဲ့ အချင်းချင်း အရွှန်းဖောက်ကြတယ် - ကျုပ် ခပ်လျော့လျော့ ပြုံးပြဖြစ်ပါတယ် - ဟုတ်မှာပါ - သူတို့ အမြင်မှာတော့ ကျွန်တော်လည်း အခု မိုးခါးရေသောက်သူများ အုပ်စုဝင် တစ်ယောက်ပေါ့ -

ဒါပေမယ့် သူတို့ လက်ခံထားကြတဲ့ ပတ်ဝန်းကျင်မှာ သူတို့ သတိမထားမိလိုက်တဲ့ အုပ်စုအသစ်တစ်ခု ဖြစ်တည်လာတာကိုတော့ သူတို့ အားလုံး သတိမထားမိလိုက်ကြဘူး - အဲ့အုပ်စုအတွက် နာမည်ကို တစ်ချိန်က ရှင်းပြခွင့် မရခဲ့တဲ့ ကျောက်သင်ပုန်းတစ်ချပ်ပေါ် တိတ်တဆိတ်ရေးပြီး ဘယ်သူမှ မသိနိုင်တဲ့ တစ်နေရာမှာ ကိုယ်ကိုယ်တိုင်ပဲ ဖွက်ထားလိုက်တယ် - နောက်ပြီး ကျောက်သင်ပုန်း ရှာနေသူ တစ်ယောက်လို ဘဝကို ဖြတ်သန်းခဲ့တယ် - ကျောက်သင်ပုန်းပေါ်မှာ ရေးခဲ့တဲ့ အဲ့ဒီ့ နာမည်ကို တစ်ခြားသူတွေ မသိကြပေမယ့် သူကိုယ်တိုင်တော့ ခဏခဏ ပြန်ပြန်ရွတ်လေ့ ရှိတယ် - အဲ့နာမည်က -

" မိုးခါးရေပုလင်း ချိတ်သူများ "

KznT.

Myanmar culture and heritage

ကနေ့ ခေတ်မှာ မြန်မာမှု - မြန်မာ့ဟန် - မြန်မာဓလေ့ အငွေ့အသက်တွေကို မြန်မာမိန်းကလေး - ယောကျာင်္းလေးတွေ မေ့ပျောက်လုလု ဖြစ်နေကြတာ ကျွန်တော် သတိထားမိပါတယ်။ တော်တော်လေး ဝမ်းနည်းစရာ ကောင်းတဲ့ အချက်တစ်ချက်ပါပဲ - ခေတ်နောက်ပြန် ဆွဲနေတာ မဟုတ်ပါဘူး - အများသူငါ လက်ခံထားကြတဲ့ Globalization ကို အံတုတွန်းလှန်ပြီး နွားလှည်းတစ်စီးနဲ့ ၁၉ ရာစုကို ပြန်သွားနေတာလည်း မဟုတ်ပါဘူး - ကျွန်တော် ဆိုလိုတာ။



တိုက်ပုံစွတ်ပြီး ခေါင်းပေါင်း ပေါင်းနေရမယ်လို့ မဆိုလိုပါ -
ချိတ်ထမီ ဝတ်ပြီး ရင်ဖုံးနဲ့ ပွဲတက်ရမယ်လို့ မရည်ညွှန်းလိုပါ -

ဒါပေမယ့် သိစေချင်တာ တစ်ခုက မြန်မာအမျိုးသား - မြန်မာအမျိုးသမီး တစ်ယောက်လို ဝတ်စားဆင်ယင်ခြင်း ကြောင့် လူပုံအလယ်မှာ အရှက်တကွဲ အကျိုးနဲ မဖြစ်နိုင်သလို - မြန်မာမှု အသိုင်းအဝိုင်းမှာတင်မက ၊ ကမ္ဘာ့အလည်မှာပါ ဂုဏ်ငယ် သေးသိမ် သွားမှာ မဟုတ်ဘူး ဆိုတဲ့ အကြောင်း မြန်မာမိသားစုဝင်များကို သိစေချင်လှပါတယ်။

သင်္ကြန်မိုး

သင်္ကြန်မိုးဆိုတဲ့ ရုပ်ရှင်ကားဟာ ကျွန်တော့် ဘဝတစ်သက်တာ အတွက် အမှတ်တရ အရှိဆုံး သဘောအကျဆုံး ရုပ်ရှင်ကား တစ်ကားပါ။ မြန်မာမှု အငွေ့အသက် - မြန်မာ့ရိုးရာ အတာသင်္ကြန် - မြန်မာ့အလှ - မြန်မာ့အက - မြန်မာ့သင်္ကြန်သီချင်း စစ်စစ် တွေ နဲ့ ပေါင်းစပ်ဖွဲ့တည်ထားတဲ့ သင်္ကြန်မိုး ဇာတ်ကားဟာ ကျွန်တော့် အတွက်တော့ ဘယ်အချိန် ပြန်ကြည့်ကြည့် ကြည့်လို့ မရိုးနိုင်ခဲ့သေးတဲ့ ကားတစ်ကားပါပဲ - ဒီကားလေးကို ကျွန်တော် Burmese Classic ကနေ လွန်ခဲ့တဲ့ သုံးနှစ်လောက်က သင်္ကြန်တွင်းကြီး Download ချပြီး သိမ်းထားခဲ့တာပါ။


ဒီကားလေးကို ခု သင်္ကြန်နားနီးလာပြီမို့ မြန်မာမှု အငွေ့အသက်ကို ချစ်ခင်မြတ်နိုးသူ - မြန်မာ့ အတာသင်္ကြန် နဲ့ ရိုးရာ အလှအပ ကို ပြန်လည်ခံစား ကြည့်ရှုချင်သူများ အတွက် သိမ်းဆည်းထားနိုင်အောင် ဝေမျှလိုက်ပါတယ်။



ဒီခေတ်မှာ ဒီလို ငွေငန်းကို မြင်ရနိုင်သေးပေမယ်လို့ ခုလို ငွေငန်းဘေးမှာ လှပတင့်ဖူးစွာ ကပြ ဖျော်ဖြေမယ့် အမျိုးသမီး သင်္ကြန်မယ်လေးတွေ  မြင်ရနိုင်ဖို့ ကတော့ မသေချာတော့ ပါဘူး - ဝမ်းနည်းဖို့ အကောင်းဆုံး မြန်မာ့ယဉ်ကျေးမှု ဆိတ်သုန်းမှု တစ်ခုပါပဲ။

မောင်ဇင်။

( ယခင် ရေးသားခဲ့ပြီးသော Post အဟောင်းအား တောင်းဆိုမှုကြောင့် Links အသစ်ဖြည့်သွင်း၍ ပြန်လည် ဖော်ပြလိုက်ပါသည်။ နှစ်သစ်နှင့် အတူ မြန်မာပြည်သူ ပြည်သားအပေါင်း ပျော်ရွှင်အေးချမ်းနိုင်ကြပါစေ။)

YouTube Symphony Orchestra 2011

ပြီးခဲ့တဲ့ နှစ်က နိုင်ငံပေါင်း ၃၃ နိုင်ငံမှာ ရှိကြတဲ့ ဂီတပညာရှင် ၁၀၁ ယောက် ကိုယ်တိုင်သံစဉ်တွေ ဖန်တီးပြီး YouTube Symphony Orchestra 2011 ပြိုင်ပွဲအတွက် Youtube မှာ Videos တွေ Upload တင်ခဲ့ကြတယ် - အဲ့ဒီ့ လက်ရွေးစင်ဂီတ ပညာရှင်တွေကို ကမ္ဘာတစ်ဝှမ်းက Orchestras ခေါင်းဆောင်တွေရယ် - YouTube community ရယ် အကူအညီနဲ့ စုစည်းရွေးချယ်ပြီး အခု Sydney မှာ ရှိတဲ့ Opera House မှာ ဂရမ်မီဆု ချီးမြှင့်ပေးမယ့် Extraordinary concert ကို ကျင်းပနေပါပြီ - တကယ့် ပညာရှင်တွေပဲဗျာ - Sand Artist ပညာရှင်ရဲ့ ပြကွက်နဲ့ Orchestra ရဲ့ တီးခတ်မှုနဲ့ ပြသွားတာများ ကျွန်တော်ဆို အသက်ရှုဖို့တောင် မေ့နေမိတယ် - 

သူက ပညာရှင်တွေရဲ့ တီးခတ်မှု မပြခင် ပညာရှင်တစ်ယောက်ချင်းစီရဲ့ ဘဝသမိုင်းကြောင်းနဲ့ အနုပညာရပ်အပေါ် ခံယူချက်တွေအကြောင်း စကားပြောခန်း အတိုလေးတွေ ထိုးထိုးပြတယ် - အဲ့တာကလည်း အရမ်းကို စိတ်ဝင်စားဖို့ ကောင်းတယ် - ကြုံရခဲတဲ့ တိုက်ရိုက်ထုတ်လွှင့်မှုမျိုးမို့လို့ ကျွန်တော်တော့ ကြည့်ဖြစ်အောင် ကြည့်စေချင်တယ် - 






Quote:
ဒီလောက်ပါပဲ - ကြည့်ရှုချင်သူများ >> http://www.youtube.com/symphony?feature=ticker ကို ကြွပါ။
KznT.

Thank you from Japan


From: Yuko Yasuda, WFP
Sent: Friday, March 18, 2011
To: Levendreams
Subject: Thank you from Japan

I grew up in Japan. I’m accustomed to earthquakes. But nothing could have prepared me for this one. It was the first time I saw buildings in Tokyo actually sway back and forth.

I watched live TV coverage as the tsunami swept away entire communities. It was like a horror film, but these are real people – thousands are dead, thousands more are missing. In one city, nearly half of the population is still missing.

And now we're gripped with the fear of radiation from nuclear power plants. It's a real-life nightmare.

In the past, Japan has helped the World Food Programme respond to some of the worst disasters around the world. Now, when my country is coping with its own tragedy, I feel proud to stand united with Japan to help people in need.

I’m deeply grateful for the outpouring of support from all over the world, and for your personal contribution. Thanks to the generosity of friends like you, in just 36 hours we raised all the funds we require for our operation in Japan. Thank you.

Amid the devastation left behind by the earthquake and tsunami, transporting goods is an enormous challenge, but families remain in desperate need of emergency supplies and WFP is providing its expertise to make sure those supplies are delivered quickly.

As the lead logistics agency for the United Nations in emergency operations, WFP has decades of experience in delivering food and other relief items in the most difficult environments.

It will take a long time to recover from this disaster. But, between the heroic rescue efforts coordinated by the Japanese government and the incredible support of the international community, I know we’ll get there.

Thank you for the role that you are playing.

Sincerely,

Yuko Yasuda
Japan Spokesperson
World Food Programme
 
 

The World Food Programme (WFP) fights hunger worldwide, saving lives during emergencies while building a better future for the next generation. WFP is funded solely by voluntary donations.

 World Food Programme
 wfp.org | Contact us | Privacy | Unsubscribe

World Food Programme
Via C.G.Viola 68
Parco dei Medici
Rome, 00148
Italy

Education And The Significance Of Life

ပိုင်ဆိုင်မှုဆိုတာ ဘာလဲဆိုတဲ့ အမေးကို ရံဖန်ရံခါ ကိုယ့်ကိုယ်ကိုယ် ပြန်မေးဖြစ်တယ် -

( ၁ ) ပစ္စည်းဥစ္စာ ကြွယ်ဝပေါများမှုလား
( ၂ ) ငွေကြေးပြည့်စုံ ကုံလုံမှုလား
( ၃ ) လိုတရလောက်တဲ့ ဖြည့်ဆည်းပေးနိုင်စွမ်းလား

    ဒီလိုပဲ ထင်ခဲ့ကြတာပဲ - ငယ်ငယ်တည်းကလည်း ဒီလိုပဲ သင်ခဲ့ကြတယ် - ကျောင်းစတက်ပြီ ဆိုကတည်းက အမေက ကျွန်တော်တို့ ညီအစ်ကို နှစ်ယောက်ကို ခဲတံလေး တစ်ယောက် တစ်ချောင်းဝယ်ပေးတယ် - ဒါက သားဖို့ - ဒါက သားအကိုကြီးဖို့ - ဆိုလိုတာ သားဖို့ ဆိုကတည်းက ဒီခဲတံဟာ ကျွန်တော့်ရဲ့ ပိုင်ဆိုင်မှု - ဘယ်သူတစ်ဦးတစ်ယောက်နဲ့မှ မပတ်သတ်တော့ဘူး - အဲ့လိုနဲ့ ကျောင်းကို ရောက်သွားတော့လည်း ထိုင်ခုံနေရာတွေ ဆရာမက ချပေးတယ် - ဒါက သားနေရာ ဒါက သမီးနေရာ - အဲ့မှာလည်း ပိုင်ဆိုင်မှု တစ်ခု ထပ်ရောက်လာပြန်ရော - ဒါကသားနေရာ ဆိုတည်းက ဒီနေရာဟာ ငါပဲ ပိုင်တယ် - မင်းလာထိုင်လို့ မရဘူး - ငါ့နေရာဆိုတာ ငါထိုင်ဖို့ - မင်းထိုင်ချင်ရင် မင်းနေရာ မင်းထိုင် - အဲ့လိုနဲ့ ငယ်ငယ်တည်းက လူ့သဘာဝပတ်ဝန်းကျင် နဲ့ ပိုင်ဆိုင်မှုဆိုတဲ့ သင်ခန်းစာတစ်ရပ်ကို ပြဌာန်းချက် သင်ရိုး မရှိပဲ ကျွန်တော်တို့ သင်ခဲ့ရတယ်-

    အဲ့လိုနဲ့ အရွယ်ရောက်တဲ့အထိ တစ်တန်းပြီး တစ်တန်း ပညာတွေ သင်ခဲ့တယ် - ပညာကို ဘာလို့ သင်နေကြမှန်း ကျွန်တော်တို့ ဂဃနဏ မသိကြပေမယ့် ကျွန်တော်တို့ စိတ်ထဲမှာ ငယ်စဉ်တည်းက လူ့ပတ်ဝန်းကျင်က ရိုက်သွင်းခဲ့တဲ့ ပိုင်ဆိုင်မှု ဆိုတဲ့ ယုံကြည်ချက် တစ်ခုတော့ ရှိနေကြတယ် - ဆရာဝန်ကြီးတွေ / အင်ဂျင်နီယာကြီးတွေ ဖြစ်ရင် တိုက်အကြီးကြီးတွေ ကားအကောင်းစားကြီးတွေနဲ့ နေရမယ် - ကိုယ်လိုချင်တာ ဝယ်နိုင်မယ် - ကိုယ်စားချင်တာ စားနိုင်မယ် - ကိုယ်ပိုင်ပိုက်ဆံ ဆိုတာလည်း အများကြီး ရှိလာလိမ့်မယ် - ဒီလိုပဲ ယုံကြည်ခဲ့ကြတယ် - ပြောရရင်ပညာတတ်ဖြစ်စေချင်တဲ့ မိဘတွေရဲ့ ရည်ရွယ်ချက်ကို ပိုင်ဆိုင်မှုဆိုတာတွေ ဖန်တီးနိုင်ဖို့အတွက် ခိုင်းစေချက် တစ်ခုလို့ ယုံကြည်လိုက်တာမျိုးပေါ့ - ဘာလို့လည်း ဆိုတော့ မိဘတိုင်းကလည်း ပြောကြတယ် -

    - နင်စာမကျက်ဘူးလား -
    - နင်ပညာမတတ်ရင် ဆိုက်ကားနင်းရမှာ -
    - သူများခိုင်းတာ ခံရမှာ -
    - ကူလီထမ်းရမှာ - စသဖြင့် ...

      တကယ်တော့ ပညာမတတ်တိုင်း ဆိုက်ကားမနင်းရဘူး - သူများခိုင်းတာ တစ်ချိန်လုံး မခံရဘူး - ကူလီမထမ်းရဘူး - ပညာမတတ်လည်း ကြိုးစားမယ် ဝီရိယရှိမယ် ဆိုရင် တစ်ချိန်မှာ သူများကို အထက်စီးကနေ ခိုင်းနိုင်တဲ့ လူချမ်းသာ တစ်ယောက် ဖြစ်နိုင်တာပဲ - အဲ့လိုစိတ်ကို ဝီရိယနဲ့ပေါင်းပြီး ကြိုးစားခဲ့ကြလို့ဘွဲ့မရပေမယ့် လူချမ်းသာ ဖြစ်နေကြတဲ့ သူတွေလည်း ကမ္ဘာမှာ အများကြီးကို ရှိတယ် - မြန်မာမှာလည်း ရှိတယ် -

      အဲ့တော့ ငယ်စဉ်တည်းက ပညာဆိုတာကို ပိုင်ဆိုင်မှုတွေ ဖန်တီးနိုင်ဖို့ တစ်ခုတည်း အတွက်လို့ ယုံကြည်ထားခဲ့ကြတဲ့ လူငယ်တွေရဲ့ စိတ်ထဲမှာ သို့လော သို့လော အတွေးတစ်ချို့ ဝင်လာတယ် -

      - ပညာတတ်မှ မဟုတ်ဘူး - ပညာမတတ်လည်း ပိုင်ဆိုင်မှုဆိုတာ ဖန်တီးယူလို့ ရတယ်
      - ပညာမတတ်ခြင်းနဲ့ ပညာမတတ်ခြင်းက ဘာမှ မကွာဘူး
      - တစ်ချို့ သူဌေးတွေ ဘာပညာမှ မတတ်ဘူး
      - အဲ့လိုလူတွေကပဲ ပညာတတ်ပါတယ်ဆိုတဲ့ ကျုပ်တို့ကို ခိုင်းစားနေကြတယ်
      - အဲ့တော့ ဒီပညာဆက်သင်တော့ရော ဘာထူးမှာလဲ
      - အချိန်ကုန်ခံပြီး ပညာဆက်သင်နေမယ့် အစား စီးပွားရေးထွက်လုပ်တာကမှ လူမွှေးလူတောင် ပြောင်ဦးမယ်
      - ကြိုးစားရင် ကြိုးစားသလောက် ဒီနေ့ဖြစ်မလား မနက်ဖြန်လာမလား ကြီးပွားနိုင်မယ်
      - ပညာဆက်သင်နေရင် အချိန်ကုန်လူပန်း ဘွဲ့ရလာပြန်တော့လည်း အလုပ်ရဖို့ဆိုတာ မသေချာ စသဖြင့် တွေးမိလာကြတယ်

        ဒါဟာ သိပ်ကြောက်ဖို့ ကောင်းတဲ့ အတွေးအခေါ် မှားယွင်းမှု တစ်ခုပဲ - တကယ်တော့ ပညာသင်ကြား ရခြင်းရဲ့ အဓိက ဦးတည်ချက်ဟာ ပိုင်ဆိုင်မှုတွေ ဖန်တီးနိုင်ဖို့ တစ်ခုတည်းအတွက် ရည်ရွယ်ချက် ထားပြီး သင်ကြားပေးနေတာ မဟုတ်ပါဘူး - ပညာသင်ကြားရခြင်းရဲ့ အဓိက ဦးတည်ချက်တွေဟာ -

        - ခွဲခြမ်းစိတ်ဖြာနိုင်မှု
        - ဆက်စပ်လေ့လာနိုင်မှု
        - ရောင့်ရဲတင်းတိမ်နိုင်မှု
        - တည်ဆောက်ရယူနိုင်မှု
        - ဖေးမမြှင့်တင်နိုင်မှု

          ဆိုတာတွေအတွက် အဓိက ဦးတည်ချက် ထားတယ်ဆိုတာကို လူငယ်တွေ နားလည်ကြဖို့ လိုပါတယ် - ဒီရည်ရွယ်ချက်တွေနဲ့ ပညာကို သင်ခဲ့ကြပေမယ့် ဒီနေရာမှာ တစ်ခုသိထားဖို့ လိုတာက ဘွဲ့ရတိုင်းလည်း ပညာတတ် မဟုတ်ဘူး - လူတစ်ချို့တစ်ချို့ / အတော်များများကပညာတတ်ဆိုတဲ့ ဂုဏ်ပုဒ်ကို ဘွဲ့ပိုင်ဆိုင်မှု ဆိုတာနဲ့ တွဲစပ်ရှုမြင် နေကြတယ် - ဆိုလိုတာ -

          - ဘွဲ့တွေ တစ်သီကြီး ရထားရင် ပညာတတ်ကြီး
           - ဘွဲ့လေး တစ်ခုလောက် ရထားရင် ပညာတတ်
          - ဘွဲ့တစ်ခုမှ မရထားရင် ပညာမတတ် ( ဝါ ) ပညာမဲ့ စသဖြင့်

            အဆင့်အတန်းကို အလိုလျောက် ခွဲခြားပစ်ကြတယ် - တကယ်တော့ အဲ့ဒီ့ ခံယူချက်တွေဟာ မမှန်ကန်ဘူး - ပညာတတ်ဆိုတာ အတန်းပညာ ဘယ်လောက်ပဲ သင်ခဲ့ရသည် ဖြစ်စေ - ကိုယ်သင်ကြားခဲ့ရတဲ့ သင်ခန်းစာ ဘာသာရပ်အလိုက် လူ့ပတ်ဝန်းကျင်မှာ အံဝင်ခွင်ကျနဲ့ ဆက်စပ် အသုံးချနိုင်စွမ်း ရှိသူကိုသာ ပညာတတ်လို့ သတ်မှတ်တယ်။


            ခွဲခြမ်းစိတ်ဖြာနိုင်မှု - ပညာသင်ကြားရခြင်းရဲ့ ကနဦး ရည်ရွယ်ချက်ဟာ ခွဲခြမ်းစိတ်ဖြာနိုင်ဖို့ - ဆိုလိုတာ အကောင်းနဲ့ အဆိုး - အမှားနဲ့ အမှန် ကြားမှာ တစ်ခြားသူရဲ့ အမြင်နဲ့ မိမိအမြင်ဆိုတဲ့ အမြင်နှစ်ခုကို ပေါင်းစပ်ပြီး လိုလားချက် ပြီးမြောက်နိုင်မယ့် ဦးတည်ချက်ကို ရှာဖွေနိုင်မယ့် ပညာရပ်ဖြစ်တယ်။ ဒီလိုပညာကို တတ်မြောက်နိုင်ဖို့ အတွက် ပြဌာန်းချက်တွေထဲမှာ သက်ဆိုင်ရာ ဘာသာရပ်တွေကို သင်ခန်းစာ ခေါင်းစဉ်အလိုက် ထည့်ထားတယ် - ဥပမာ သချာင်္ - သချာင်္မှာဆို Probability ဆိုတဲ့ အခန်းရှိတယ် - သူက ဖြစ်နိုင်စွမ်းနဲ့ ဖြစ်တန်စွမ်းကို လေ့လာတာ - စာသင်ခန်းထဲမှာ လက်နဲ့ ချရေးပြီး တွက်ခဲ့ရတဲ့ ဒီပုစ္ဆာတွေကို ခက်လြှပီ ထင်ခဲ့တဲ့ ကျွန်တော်တို့တစ်တွေ - လက်တွေ့ လူ့ပတ်ဝန်းကျင်ကို ဝင်လာတဲ့အခါ လူအများစုနဲ့ ရပ်တည် လှုပ်ရှားရတဲ့ လုပ်ငန်းခွင်တွေအတွက် Probability ဟာ ဒီ့ထက် ပိုနက်နဲမှန်း သိလာရတယ် - အဲ့လို အခြေအနေမျိုးမှာ ပညာမသင်ကြားခဲ့ဖူး သူတွေအတွက် သင်ရိုးတစ်ခုက ပေးတဲ့ သင်ခန်းစာနဲ့ နိှုင်းယှဉ်ပြီး အမှားအမှန်ကို မဆန်းစစ်နိုင်တော့သလို - ပညာတတ်အမည်ခံ ဘွဲ့ရတွေ ဆိုတာလည်း လူ့ပတ်ဝန်းကျင်ရဲ့ အခြေအနေနဲ့ ဆက်စပ်သင့်လျှော်မယ့် တွေးခေါ်မှုမျိုး အလုပ်ဆောင်နိုင်ကြတော့ဘူး - သူများပြောတိုင်း ယုံတတ်လာတယ် - ကိုယ့့်ကိုယ်ကိုယ် အားမကိုးချင်တော့ဘူး - ဒီလူပြောလည်း ဟုတ်လောက်ပါတယ် - ဟိုလူပြောလည်း ဟုတ်လောက်ပါတယ် - အဲ့လိုလူတြွေကားမှာ ဟုတ်သော်ရှိ မဟုတ်သော်ရှိ သက်သေသာဓကလေးနဲ့ ပြနိုင်တဲ့သူတစ်ယောက် ပြောတာကြားရရင် အဲ့ဒီ့လူကို ပိုယုံသွားတယ် - ဒီလိုနဲ့ ပညာတတ်အမည်ခံ ပညာမဲ့တွေ တစ်စတစ်စ များပြားလာတဲ့ အခါ အိမ်မှာဆို အိမ်တွင်းရေး မသာယာတော့ဘူး - နိုင်ငံနဲ့ ချီတော့ နိုင်ငံရေးတွေ ရှုပ်ထွေးလာတယ် - မင်းမဲ့စရိုက်ဆန်လာတယ် - ကမ္ဘာနဲ့ ချီတော့ မပြီးဆုံးနိုင်တဲ့ တိုက်ပွဲတွေ ဖြစ်လာကြတယ်။

            ပူးပေါင်းဆောင်ရွက်နိုင်မှု - လူတစ်ယောက်ဟာ ဘယ်လောက်ပဲ ကြိုးစားနိုင်သည် ဖြစ်စေ သူ့မှာ စွမ်းဆောင်နိုင်တဲ့ Limit ဆိုတာ ရှိတယ် - Limit ကိုကျော်ပြီး ဘယ်သူမှ တစ်ဦးတစ်ယောက်ကောင်းနဲ့ မစွမ်းဆောင်နိုင်ဘူး - ကိုယ်လုပ်နိုင်သလောက်ကို ကိုယ်ကိုယ်တိုင် ကြိုးစားယူပြီး ပူးပေါင်းဆောင်ရွက်မှု ဆိုတာ လုပ်ဆောင်ကြရတယ် - အဲ့လိုပဲ တစ်ခုခုကို လိုချင်တယ် ရချင်တယ် ဆိုရင်လည်း အဆင့်လိုက် တစ်ဆင့်ချင်း တက်လှမ်းရယူကြရတယ် - ခု အပင်စိုက် ခု အသီးစားချင်လို့ မရဘူး - ချက်ချင်း လက်ငင်း စွမ်းဆောင်လို့ မရတဲ့ ကိစ္စရပ်တွေအတွက် လတ်တလောမှာ ရောင့်ရဲပြီး အနာဂတ်မှာ ရင်ဆိုင်နိုင်ဖို့ ဘယ်လိုအချိန်ပေး ပြင်ဆင်မှုတွေ လုပ်ဆောင်ရမယ် ဆိုတာ ငယ်စဉ်တောင်ကျေး ကလေးဘဝက စပြီး နားလည်နိုင်အောင် ပြဌာန်းချက်တွေထဲမှာ ထည့်သွင်း သင်ကြားခဲ့ကြတယ် - ဥပမာ ပြောရရင် ကမ္ဘာ့သမိုင်းနဲ့ မြန်မာ့သမိုင်းတြွေကည့် - မြန်မာ့သမိုင်းမှာ ဆိုရင် ကိုလိုနီလက်အောက်ခံ ဘဝက လွတ်မြောက်ချင်ပေမယ့် ပူးပေါင်းဆောင်ရွက်မှု မရှိလို့ ကျရံှုးခဲ့ရတဲ့ စစ်ပွဲတွေ - လက်အောက်ခံ ဘဝကနေ လွတ်မြောက်ဖို့ အတွက် ပြန်ပြီး ကြိုးစားကြတဲ့ နေရာမှာ ပူးပေါင်းဆောင်ရွက်မှု ဆိုတာကို ခါးဝတ်ပုဆိုးလို ဖက်တွယ်ပြီး ကြိုးစားခဲ့ကြတဲ့ ရဲဘော်သုံးချိပ် - ဒါတွေဟာ တကယ့်သမိုင်းဖြစ်ရပ်မှန်တွေ - ဒီ သင်ရိုးပြဌာန်းချက်ကနေ သင်ကြားပေးလိုက်တဲ့ သင်ခန်းစာတွေကို လက်တွေ့ လူ့ပတ်ဝန်းကျင်မှာ ကျင့်သုံးလိုက်နာနိုင်မှ ဘွဲ့ရတွေလည်း တကယ့် ပညာတတ်ဖြစ်လာမယ်။ မဟုတ်ရင်တော့ ဘွဲ့ရထားလည်း ပညာမဲ့နေဦးမှာပဲ။

            ဆက်စပ်လေ့လာနိုင်မှု - ငယ်ငယ်တုန်းက ဘွဲ့ဆို ဆရာဝန် / အင်ဂျင်နီယာဘွဲ့လောက်မှ လူရာဝင်တယ်လို့ ထင်ခဲ့မိတယ် - ဆရာဝန် / အင်ဂျင်နီယာမဖြစ်တော့ရင်ပဲ ကိုယ့်ဘဝက ဆုံးသွားသလို ကိုယ်သင်ခဲ့တဲ့ ပညာက အသုံးမဝင်တော့သလိုလို ယုံကြည်ထားခဲ့တယ် - အဲ့လိုနဲ့ တကယ်တမ်း လုပ်ငန်းခွင်ထဲဝင်လာတော့ ပညာရပ်တိုင်းဟာ ကိုယ်ထင်ထားသလို သီးခြားရပ်တည် လည်ပတ်နေတာမျိုး မဟုတ်တော့ဘူး - ဥပမာပြရရင် အင်ဂျင်နီယာပညာဟာ သိပ္ပံပညာရပ်နဲ့ ဆက်စပ်သလို သချာင်္ပညာရပ်နဲ့လည်း ဆက်စပ်တယ် - ကွန်ပြူတာနဲ့ ကင်းလို့မရသလို Physics, Chemistry နဲ့လည်း ဝေးလို့ မရဘူး - အဲ့လို ဆက်စပ်နေတဲ့အတွက် ကဏ္ဍတိုင်းကို အပြည့်အစုံကြီး မဟုတ်တောင် တီးမိခေါက်မိ ရှိထားဖို့ လိုလာတယ် - ကိုယ့်ထက်ကျွမ်းကျင်သူတွေနဲ့ ပူးပေါင်းရတယ် - မေးမြန်းရတယ် - အချိန်တိုင်း လေ့လာနေရတယ် - ဒီလိုဆက်စပ်လေ့လာတတ်တဲ့ အတွေးမျိုး ဖြစ်လာအောင် ကျွန်တော်တို့ ငယ်ငယ် လေးငါးခြောက်တန်း လောက်တည်းက သိပ္ပံဘာသာ ဆိုတာ သင်ရတယ် - အတန်းကြီးလာတော့ Science ပေါ့ - သူ့ထဲမှာဆိုရင် လနဲ့ ကမ္ဘာနဲ့ ဆက်စပ်ပုံတို့ - သဘာဝပတ်ဝန်းကျင်နဲ့ လူမှုအဖွဲ့အစည်းကြားက ဆက်စပ်မှုတို့ ဆိုတာတွေကို ခေါင်းစဉ်အသီးသီးနဲ့ သင်ခဲ့ရတယ် - ရည်ရွယ်ချက်က ဒီ သင်ရိုး ပြဌာန်းချက်ကနေ သင်ကြားပေးလိုက်တဲ့ သင်ခန်းစာတွေအတိုင်း လူငယ်တွေ စဉ်ဆက်မပြတ် ဆက်စပ်လေ့လာမှု ရှိဖို့လိုတယ်ဆိုတဲ့ အသိတရားကို ရနိုင်စေဖို့ - ဒီအသိတရားအတိုင်း လုပ်ဆောင်နိုင်မှ ကျွန်တော်တို့တွေ ဒီ့ထက်မြင့်မားတဲ့ အသိဉာဏ်ကို ရမယ်။ ဒီ့ထက် ပြည့်စုံအေးချမ်းတဲ့ လူနေမှုဘဝကို ဖန်တီးနိုင်မယ်။ ဘွဲ့သာရခဲ့ပေမယ့် ဆက်စပ်မှုတွေအကြောင်း လှစ်လျူရှုခဲ့ကြရင် ဘွဲ့ရပညာတတ် အမည်ခံထားပြီး ကျွန်တော်တို့တွေ ပညာမဲ့ ဖြစ်နေကြဦးမှာပဲ။

            တည်ဆောက်ရယူနိုင်မှု - လူဆိုတဲ့ သဘောဟာ မွေးလာကတည်းက လုပ်သမျှ အကောင်းချည်းပဲ ဖြစ်လာပါမယ်လို့ အာမခံနဲ့လာတာမျိုး မရှိဘူး - ဘယ်သူမဆို အောင်မြင်မှုဆိုတာ ရောက်မလာခင် ကျရံှုးမှုဆိုတာ ရင်ဆိုင်ရတတ်တယ် - တစ်ခါတစ်လေ ဗွီဒီယိုတွေ ရုပ်ရှင်တွေထဲမှာ ဘာမြှကီးကြီးမားမား လုပ်ရကိုင်ရတာမျိုးမရှိပဲ နေရင်းထိုင်ရင်း ကုမ္ပဏီပိုင်ရှင် စီးပွားရေး သမားဆိုတဲ့ အမည်နဲ့ ချမ်းသာနေကြတဲ့ လူတွေကိုကြည့်ပြီး ငါလည်း သူတို့လို ဘာမှလုပ်စရာမလိုပဲ ချမ်းသာနိုင်တာပဲလို့ ထင်ကောင်း ထင်ကြလိမ့်မယ် - တကယ့် ဘဝမှာတော့ အောင်မြင်တစ်ခု ရဖို့ဆိုတာ အဲ့လောက်မလွယ်ကူဘူး - ကျောင်းသားဖြစ်မယ် ဆိုရင် ကိုယ်မသင်ချင်တဲ့ ဘာသာတွေ သင်ရမယ် - စီပွားရေး သမားဆိုရင် ကိုယ်မမျှော်လင့်ထားတဲ့ ဈေးကွက်ယှဉ်ပြိုင်မှုနဲ့ စီးပွားရေး လှည့်ကွက်တွေ ရင်ဆိုင်ရမယ် - သေချာတာကတော့ ဘယ်နေရာမှာပဲ ဖြစ်ဖြစ် ပထမဆုံးအကြိမ် ကြိုးစားမှုဆိုတာ ချက်ချင်းအောင်မြင်မှုရဖို့ ဘယ်တော့မှ မသေချာတတ်ဘူး - ရံှုးမှာပဲ ကျမှာပဲ - ဘာဖြစ်လဲ ရံှုးတော့ကျတော့ - ပထမဆုံး စလုပ်တဲ့ အလုပ်ဟာ အောင်မြင်မှ ဘဝတစ်သက်လုံး အောင်မြင်ပါလိမ့်မယ်လို့ ဘယ် လောကနီတိမှာမှ ဆိုမထားဘူး - Harry Potter စာအုပ်ကိုရေးတဲ့ J.K. Rowlingဆိုတာ သူ့ရဲ့ ပထမဆုံးစာအုပ်ကို နောက်ဆုံးထုတ်ဝေခွင့် မရမီအချိန်ထိ ၁၂ ကြိမ်တိတိ ငြင်းပယ်ခံခဲ့ရတယ် - American professional basketball သမား Michael Jordan ဟာ သူ့ရဲ့ basketball သမားဘဝ သက်တမ်းတစ်လျှောက်မှာ သူပစ်သမျှ ဘောတိုင်း အကြိမ်ပေါင်းမနည်း လွဲခဲ့ဖူးတယ် - ပြိုင်ပွဲပေါင်း ရာနဲ့ချီပြီး ရံှုးခဲ့ဖူးတယ် - ဒါပေမယ့် သူပြောခဲ့တဲ့ စကားတစ်ခွန်းကတော့ မှတ်သားစရာ ကောင်းတယ် - "I have failed over and over and over again in my life. And that's why I succeed." ဒီလူတွေ ဘာကြောင့် အောင်မြင်ခဲ့ရလဲ ဆိုရင် သူတို့တွေဟာ ကျရံှုးမှုကြောင့် ကိုယ့်ကိုယ်ကိုယ် ဘယ်တော့မှ သိမ်ငယ်မသွားဘူး - ဒီကျရံှုးမှုကနေပဲ သူတို့အတွက် သင်ခန်းစာ ပြန်ယူပြီး ထပ်ခါထပ်ခါ ကြိုးစားကြတယ် - ဒီလိုဆင်တူတဲ့ ဥပမာတွေ ကမ္ဘာ့သမိုင်း - မြန်မာ့သမိုင်းတွေမှာ ကျွန်တော်တို့ အကြိမ်ပေါင်းမနည်း သင်ခဲ့ရဖူးတယ် - ကျရံှုးမှု တစ်ခု ရှိလာခဲ့ရင် ဘယ်တော့မှ အားမငယ်ပါနဲ့ - မိမိကိုယ်ကိုယ် ပြင်ဆင်ပါ - တည်ဆောက်ပါ - ပန်းတိုင်ထိရောက်အောင်သွားပြီး လိုလားချက်ကို ရယူကြပါ - ဒါဟာ ပညာတတ်တွေရဲ့ စံဖြစ်ပါတယ်။

            ဖေးမမြှင့်တင်နိုင်မှု - လူတစ်ယောက်ဟာ ဘွဲ့တွေ ဘယ်နှစ်ခုရရ - ဘယ်လောက်ပဲ ကြွယ်ဝချမ်းသာ ချမ်းသာ - ပညာတွေ ဘယ်လောက်ပဲ တတ်တတ် ကိုယ့်ပတ်ဝန်းကျင်ကို ကိုယ့်နဲ့ တန်းတူ / ကိုယ့်လောက်နီးနီး / ကိုယ့်ထက်ကျော်ပြီး တော်တတ်သိမြင် လာအောင် ကူညီတည်ဆောက်နိုင်စွမ်း မရှိရင် ( ဝါ ) ဖေးမမြှင့်တင်ပေးဖို့ မေ့လျော့ခဲ့ရင် အဲ့လူကိုလည်း ပညာတတ်လို့ သုံးနှုန်းလို့ မရပြန်ဘူး - မြန်မာလူမျိုး အများစုဟာ ပေးကမ်းစွန့်ကျဲဖို့ကိုတော့ ရက်ရက်ရောရော ရှိတတ်ကြပြီး အရင်းအမြစ်ကို မျှဝေပေးဖို့ ဆိုရင်တော့ အလွန်တရာမှကို တွန့်တိုတတ်ကြတာ တွေ့ရတယ် - အဲ့ဒီ့တွန့်တိုမှုကို စကားအရာနဲ့ အလှဆင် ဖာထေးထားတဲ့ ဆရာစားချန် ဆိုတဲ့ စကား တစ်ခွန်းတောင် မြန်မာမှုနယ်ပယ်မှာ ခုချိန်ထိ တွင်တွင်သုံးနေ ကျသေးတယ် - တကယ်တော့ ဖေးမကူညီမှု ( ဝါ ) သင်ကြားပြသမှု တစ်ခုမှာ ဆရာစားဆိုတာ ချန်ထားသမျှ ပြည့်စုံတဲ့ ဖေးမကူညီမှု ( ဝါ ) သင်ကြားပြသမှု တစ်ခု ဘယ်တော့မှ ဖြစ်မလာနိုင်သလို - သင်ကြားပေးသူဘက်က ကြည့်ရင်လည်း ငါ ဆရာစားချန်ထားတာပဲ ဒီကောင့်ထက် အနည်းဆုံးတော့ ငါတစ်ခုပိုသိတယ်ဆိုတဲ့ ယုံကြည်စိတ်ကြောင့် သူ့ထက်မြင့်တဲ့ ပညာရပ် တစ်ခုကို ထပ်တိုးလေ့လာဖို့ မကြိုးစားဖြစ်တော့ပဲ ဆရာစားချန်ထားတဲ့ ပညာလေးနဲ့ ဆရာဆက်လုပ်ရင်း ဘဝက ကုန်လွန်သွားကြတယ် - သူသေသွားတော့ သူ့တပည့်ကလည်း ဒီနည်းကိုပဲ ဆက်ပြီး ကျင့်သုံးတယ် - အဲ့လိုနဲ့ မြန်မာမှု မြန်မာ့ဟန် မြန်မာ့နည်းပညာဟာ ရှေးယခင်ယခင်တွေတုန်းက ကမ္ဘာမှာ ပြောသလောက် မနိမ့်ပါးခဲ့ပေမယ့် နောက်ပိုင်းမှာ သိသိသာသာ နိမ့်ပါးလာခဲ့ရတယ် - ဒီအသိတရားကို သင်ခန်းစားယူပြီး နောင်တစ်ချိန်မှာ ဒီလို မဖြစ်ရအောင် ပြဌာန်းချက် သင်ရိုးတွေမှာ သင်ခန်းစာတွေ ထည့်သွင်းသင်ကြားခဲ့ကြပေမယ့် လူငယ်တွေဟာ သင်ခန်းစာကို သင်ရိုးထဲမှာပဲ ထားပြီး ကိုယ့်ပတ်ဝန်းကျင် - ကိုယ့်အသိုင်းအဝိုင်း - ကိုယ့်လူမျိုး - ကိုယ့်နိုင်ငံက မျိုးဆက်အဆင့်ဆင့်ကို လက်ဆင့်ကမ်းဖို့ကိုတော့ မေ့လျော့နေခဲ့ကြတယ် - ဒီအကြောင်းအရာနဲ့ ပတ်သတ်ပြီး အမေရိကန်ကျောင်းသားတွေကို President Obama ပြောခဲ့တဲ့ စကားလေး တစ်ချို့ ပြန်သတိရမိတယ် - သူပြောခဲ့တာက -


            အောက်မှာ ဖော်ပြထားတဲ့ အပိုင်း တစ်ပိုင်းတည်းကိုပဲ ကြည့်ချင်မယ် ဆိုရင် ဒီနေရာကနေ ကြည့်ပါ။

            Quote:
            Young people.

            Students who sat where you sit 75 years ago who overcame a depression and won a world war; who fought for civil rights and put a man on the moon.

            Students who sat where you sit 20 years ago who founded Google and Twitter and Facebook and changed the way we communicate with each other.

            So today, I want to ask all of you,
            • what's your contribution gonna be?
            • What problems are you gonna solve?
            • What discoveries will you make?
            • What will a President who comes here in 20 or 50 or 100 years say about what all of you did for this country?

            Now, your families, your teachers, and I are doing everything we can to make sure you have the education you need to answer these questions. I'm working hard to fix up your classrooms and get you the books and the equipment and the computers you need to learn.But you've got to do your part, too. So I expect all of you to get serious this year. I expect you to put your best effort into everything you do. I expect great things from each of you. So don't let us down. Don't let your family down or your country down. Most of all, don't let yourself down.

            Make us all proud.
            ဒီနေ့ခေတ် ဒီနေ့အချိန်မှာ ပညာတတ် အမည်ခံ ဘွဲ့ရသူတွေ တစ်နှစ်ထက်တစ်နှစ် တိုးပွားလာပေမယ့် အပေါ်မှာ ဖော်ပြခဲ့သလို စစ်မှန်တဲ့ ပညာတတ် အရည်အသွေးနဲ့ ရပ်တည်လုပ်ကိုင်ကြတဲ့ လူငယ်တွေကတော့ တဖြည်းဖြည်း ရှားပါးလာခဲ့ပြီ - ပညာကပေးတဲ့ အနှစ်သာရကို နားမလည်ကြတဲ့ လူငယ်တွေ တဖြည်းဖြည်း အရွယ်ရောက်လာကြပြီ - ဒါဟာ သိပ်ကြောက်ဖို့ ကောင်းတဲ့ လူသားအရင်းအဖြစ် ပြုန်းတီးမှုပါ - ဒီအကြောင်းအရာကို ရေးဖြစ်ခဲ့တာ ပညာတတ်နဲ့ ပိုင်ဆိုင်မှု ဆိုတဲ့ စံသတ်မှတ်ချက်တွေ ကြားထဲက ကွာဟချက်တွေကို လူငယ်တွေ အတွေးမမှားရအောင်နဲ့ အယူအဆမှားတွေကို ပြင်ဆင်နိုင်စေချင်လို့ ဖြစ်ပါတယ်။ မြန်မာလူငယ်များ တွေးဆဆင်ခြင် မြှင့်တင် အောင်မြင်နိုင်ကြပါစေ။

            KznT.

            11Dreams with Unicode

            ဒီနေ့ 11Dreams ကို Unicode ပြောင်းနိုင်ဖို့ ကြိုးစားခဲ့ပါတယ် - စာလိုက်ဖတ် ဟိုပြင်ဒီပြင်နဲ့ နှစ်နာရီလောက် ကြာတော့ Unicode ကို ပြောင်းထားတဲ့ Blog တစ်ခု ထပ်ရတယ် -


            စိတ်ထဲရှိတာ ပြောရရင်တော့ လိုလိုလားလားနဲ့ Unicode ကို အရမ်းပြောင်းချင်နေလို့ ခုလိုပြောင်းလိုက်တာ မဟုတ်ဘူး- စာရေးချင်လို့ စာရေးတာ - သိပ်ဝါသနာ ပါနေလို့ - မရေးရမနေနိုင်လို့ - ဒီစာရေးတဲ့ အလုပ်ကနေ ပိုက်ဆံရနေလို့ - ရေးနေတာမျိုးလည်း မဟုတ်ဘူး - ဖောင့်ထွင်တဲ့သူ မဟုတ်သလို - မြန်မာစာ အက္ခရာနဲ့ ရေးထုံးရေးနည်း ကို လေ့လာနေတဲ့ သူတစ်ယောက်လည်း မဟုတ်ဘူး - ဘယ်ဖောင့်က ဘယ်လိုကောင်းပါတယ် ဆိုတဲ့ စကားထက် လူလူချင်း ဆက်ဆံတဲ့ နေရာမှာ လတ်တလော ဘာကအဆင်ပြေနေသလဲ ဆိုတာကိုပဲ စိတ်ဝင်စားတယ် - တစ်ခုကို ပြောင်းလဲဖို့ဆို အဆင့်လိုက် လုပ်ဆောင်နည်းတွေ လူပြိန်းနားလည်အောင် ရှင်းပြထားတာမျိုးပဲ ဖတ်ချင်တယ် - ခုတော့ ဒီ Unicode ပြောင်းထားတဲ့ Blog တစ်ခု ဖြစ်လာဖို့ နှစ်နာရီလောက် အချိန်ပေးပြီး ဟိုဝင်ဒီထွက်နဲ့ စာလိုက်ဖတ်နေရတယ် - ဒါတောင် ကိုယ်တွေက ဘလော့သားနဲနဲဝနေပြီး အရိပ်ပြရင် အကောင်ရဲ့ အစွန်းလေးလောက် မြင်တတ်လို့ အဆင်ပြေသွားတာ - စာသိပ်များများ မဖတ်ချင်တဲ့သူ ဘလော့ ပြင်ဆင်ရေးနဲ့ သိပ်အကျွမ်းမဝင်သေးမယ့် သူတစ်ယောက်ဆိုရင်တော့ တော်တော်လေးကို ရွာလည်လိမ့်ဦးမယ် - 

            Unicode ကို အောင်မြင်စေချင်ပါတယ် - ဒါပေမယ့် လိုအပ်ချက်တွေ ဒီ့ထက်ပိုပြီး ပြည့်စုံစေချင်သေးတယ် - နားလည်တဲ့သူတွေ အနေနဲ့လည်း FAQs တွေကို ဒီ့ထက်ပိုပြီး ဖြည့်ဆည်းကြစေချင်သေးတယ်။

            KznT.

            Japan We Are With You.

            ဂျပန်နိုင်ငံမှာ ဟိုတစ်နေ့က ဖြစ်သွားတဲ့ ဆူနာမီနဲ့ ငလျင်အကြောင်းကြားရတော့ လူတိုင်းရဲ့ စိတ်ထဲမှာ ဂရုနာသက်မိကြတယ် - သဘာဝဘေးအန္တရာယ်ဆိုတာ ဖြစ်လာရင် ဒုက္ခသည်ဆိုတာ အလိုလို ရှိလာတာပဲ - ဒါကို လူတိုင်းသိတော့ ခုလို ခိုကိုးရာမဲ့ အိမ်ခြေရာခြေမဲ့ပြီး ဒုက္ခရောက်နေတဲ့ သူတွေ အတွက် ဘယ်လိုကူညီရမလဲ ဆိုတာ လူတိုင်းတွေးမိကြတယ်


            ကျွန်တော်တို့ ဘယ်လို ကူညီနိုင်ပါမလဲ ??

            ကျွန်တော်တို့တွေ ဂျပန်နိုင်ငံမှာ နေထိုင်နေတာ မဟုတ်ပဲ မိုင်ပေါင်း ထောင်နဲ့ချီဝေးကွာမယ့် နေရာမှာ ရှိနေကြမယ် ဆိုရင်တောင် ဂျပန် ဒုက္ခသည်တွေကို ကူညီနိုင်မယ့် နည်းလမ်းတွေ ခုချိန်မှာ ရှိနေပါပြီ - နိုင်ငံအလိုက်ကလည်း ကူညီရေးအသင်းအဖွဲ့တွေနဲ့ ဆောင်ရွက်နေသလို ကမ္ဘာသိ အဖွဲ့အစည်း တွေကနေလည်း စက္ကန့်မလပ် အကူအညီပေးနိုင်ဖို့ ကြိုးစားနေကြပါပြီ - ဘာတွေ ဘယ်လိုပဲ သူပိုင် ငါပိုင် သူ့ပစ္စည်း ကိုယ့်ပစ္စည်းနဲ့ ခွဲခြား နေခဲ့ကြပေမယ့် ကိုယ်နေထိုင်တဲ့ မြေပေါ်မှာ သဘာဝဘေး အန္တရာယ်တစ်ခုခု ကျရောက်လာပြီဆိုရင် သဘာဝတရားက သူပိုင် ငါပိုင်ရယ်လို့ ဘယ်တော့မှ မစာနာပါဘူး - အားလုံးဖျက်ဆီးခံလိုက်ရတာပဲ -




            ခု သူတို့ ပြန်လည်တည်ဆောက်ရေးတွေ လုပ်နေကြပြီ - နေရာအသီးသီးမှာ ပိတ်မိနေကြတဲ့ ဒုက္ခသည်တွေကို ကယ်တင်နိုင်ဖို့ ကြိုးစားနေကြပြီ - နှစ်နဲ့ချီပြီး တည်ဆောက်ခဲ့ရတဲ့ ပြည့်စုံမှုကို နာရီပိုင်းအတွင်း အကောင်းပကတိအတိုင်း ပြန်ဖြစ်နိုင်ဖို့ဆိုတာ ဘယ်လိုမှ မဖြစ်နိုင်ဘူး - ကယ်ဆယ်ရေး - ကျန်းမာရေး - စားသောက်ရေး - နေထိုင်ရေး - စီးပွားရေး - လမ်းပန်းဆက်သွယ်မှု ကဏ္ဍအားလုံးကို အချိန်တိုအတွင်း ပြည့်စုံစေဖို့ တစ်နိုင်ငံတည်းရဲ့ ရပ်တည်မှုနဲ့ ဘယ်လိုမှ မဖြစ်နိုင်ဘူး - အဲ့လို အခြေအနေမှာ ဒီကမ္ဘာကြီးပေါ်မှာ အတူတကွ နေထိုင်ကြတဲ့ ကျွန်တော်တို့ အားလုံးရဲ့ အကူအညီ အထောက်အပံ့တွေ လိုလာတယ်။ ဒီလို အခြေအနေမျိုး ကျွန်တော်တို့ နိုင်ငံမှာလည်း တစ်ချိန်က ဖြစ်ခဲ့ဖူးတယ် - လူအမြောက်အများလည်း သေကျေခဲ့ရဖူးတယ် - ဒီအခြေအနေမျိုး တစ်ခြားနိုင်ငံတစ်ခုမှာ ခု ဖြစ်လာပြီ - အဲ့အတွက် ကျွန်တော်တို့ မေတ္တာတရားနဲ့ စောင့်ရှောက်မှု ပေးကြရအောင်။ သူတို့ ဘဝကို နိုင်သလောက် အတိုင်းအတာနဲ့ ပံ့ပိုးမှုပြုကြရအောင် -


            ပံ့ပိုးနိုင်မည့် နေရာများ

            ခုအောက်မှာ ဖော်ပြသွားမယ့် နေရာတွေဟာ ဂျပန်နိုင်ငံ ဒုက္ခသည်တွေအတွက် တိုက်ရိုက် ထောက်ပံ့ကူညီမှု ပေးနေတဲ့ အဖွဲ့အစည်း အမြောက်အများထဲက အနည်းအကျဉ်း ဖြစ်ပါတယ် - မြန်မာနိုင်ငံတွင်းမှာ နေထိုင်နေတဲ့ မိသားစုဝင်တွေ အနေနဲ့ ကူညီဖို့ မဖြစ်နိုင်ပေမယ့် နိုင်ငံတကာရောက် မြန်မာနိုင်ငံသားတွေ အနေနဲ့ နိုင်သလောက်ပမာဏလေးနဲ့ ကူညီဖို့ အဆင်ပြေကြမှာပါ -

            The Red Crossဒီနေရာကနေ သွားပြီး အနည်းဆုံး 10$ နဲ့အထက် လှူဒါန်းနိုင်ပါတယ်။ ဖုန်းကနေ လှူမယ်ဆိုရင်တော့ Text Message မှာ REDCROSS လို့ ရိုက်ပြီး 90999 ကိုပို့ပါ - အဲ့ကနေ $10 လှူလို့ ရပါတယ်။ ( အဲ့လိုပို့လိုက်ရင် Confirm message ပြန်ဝင်လာပြီး အဲ့ကနေ တစ်ဆင့် YES ပေးလိုက်ရင် ရပါပြီ )

            Shelterbox: သူက UK-based organization ပါ - သူ့ကို တည်ထောင်ထားရတဲ့ ရည်ရွယ်ချက်က ဆူနာမီနဲ့ မြေငလျင်ဒဏ် သက်ရောက်ခံရတဲ့ နိုင်ငံတွေ အတွက် ထောက်ပံ့ ကူညီမှု လုပ်ဆောင်ပေးနိုင်စေဖို့ပါ - Online ကနေလည်း လှူလို့ ရပါတယ်။ Shelterbox ကနေ ဒုက္ခသည်တွေအတွက် လိုအပ်မယ့် အရေးပေါ်သုံး ပစ္စည်းတွေ - သဘာဝဘေးအန္တရာယ် ကာကွယ်ရေး ပစ္စည်းတွေ ထောက်ပံ့ပေးပါတယ်။ Online donation ကိုဒီနေရာကနေ လုပ်ဆောင်ပါ။

            International Medical Corps: သူ့ ဝက်ဘ်ဆိုဒ်မှာ ဒုက္ခသည်တွေအတွက် ကိုယ်လှူဒါန်းချင်တဲ့ ပမာဏကို ရိုက်သွင်းပြီး လှူဒါန်းနိုင်ပါတယ်။ဒီနေရာကနေ သွားပါ။

            GlobalGiving.org: International Medical Corps လိုမျိုးပဲ Japan Earthquake နဲ့ Tsunami ဒုက္ခသည်တွေရဲ့ လိုအပ်ချက်တွေကို လုပ်ဆောင်ပေးနေတဲ့ အဖွဲ့အစည်းတွေကို ထောက်ပံ့ပေးသွားမှာ ဖြစ်ပါတယ်။ ဒီနေရာကနေ လှူဒါန်းပေးပါ။

            Convoy of Hope: ဒီအဖွဲ့အစည်းကနေပြီး ဒုက္ခသည်တွေကို လှူဒါန်းချင်တယ်ဆိုရင် နည်းလမ်းနှစ်မျိုးနဲ့ လှူဒါန်းလို့ ရပါတယ် -ဒီနေရာကနေသွားပြီး Online ကနေလှူလို့ ရသလို REDCROSS လိုပဲ ဖုန်းကနေတစ်ဆင့် Text message နဲ့ TSUNAMI လို့ရိုက်ပြီး 50555 ကိုပို့ပါ ( အဲ့လိုပို့လိုက်ရင် Confirm message ပြန်ဝင်လာပြီး အဲ့ကနေတဆင့် YES ပေးလိုက်ရင် ရပါပြီ )

            Salvation Army: Online ကနေ လှူဒါန်းချင်သူများ ဒီနေရာကနေ လှူဒါန်းနိုင်သလို - ဖုန်းကနေတစ်ဆင့် လှူဒါန်းချင်မယ် ဆိုရင်လည်း JAPAN ( ဒါမှမဟုတ် ) QUAKE လို့ Text message ရိုက်ပြီး 80888 ကိုပို့ပါ - အဲ့ကနေ $10 လှူဒါန်းနိုင်ပါတယ်။

            Red Cross in Japan - ဂျပန်နိုင်ငံမှာ နေထိုင်သူ မြန်မာနိုင်ငံသားများ ဂျပန်ယန်းနဲ့ လှူဒါန်းချင်မယ်ဆိုရင် Google Checkout ကနေ ဒီနေရာမှာလှူဒါန်းလို့ ရပါတယ်။ ($20 ကိုအနည်းဆုံး ဂျပန်ယန်း 1600 ရှိပါတယ်) - ယန်း ၁၀၀ ကနေ စပြီး လှူဒါန်းနိုင်ပါတယ်။

            Japan Earthquake Tsunami Children Emergency Fund : အွန်လိုင်းမှာ တော်တော်များများ Facebook games တွေဆော့ကြတယ် - အဲ့ထဲက FrontierVille, FarmVille နဲ့ CityVille ဆော့ကြတဲ့သူတွေ အနေနဲ့လည်း ဂျပန်က မြေငလျင်ဒဏ်ခံ ဒုက္ခသည်တွေအတွက် သက်ဆိုင်ရာ ကိုယ်ဆော့တဲ့ ဂိမ်းအသီးသီးက items တစ်ခုခုကို ဝယ်သုံးခြင်း အားဖြင့် ဒုက္ခသည်တွေကို ကူညီနိုင်ပါတယ်။ တကယ်လို့ အဲ့ဂိမ်းတွေ မဆော့ဘူး ဆိုရင်လည်း ဒီနေရာကနေ လှူဒါန်းနိုင်ပါတယ်။


            Photos via Time.com, Boston Bigpicture

            KznT.

            How To Ask Smart Questions ( When You Ask - 2 )

            ဒီ မေးမြန်းမှု အတတ်ပညာက အမုန်းခံပြီး ရေးနေရတာပါ - လူတိုင်းက မေးရင်သာ အဖြေလိုချင်တာ ဘယ်လိုအချက်တွေ လိုက်နာပြီး မေးပါလို့ အမေးခံရတဲ့သူက ပြောရင်ကျ သဘောမကျ ချင်ကြဘူး - မြန်မာလူမျိုးက ကိုယ့်ထမင်း ကိုယ်စားပြီး အမုန်းခံရတာမျိုး မလိုချင်ကြတော့ စိတ်ကသာ မကြိုက်တာ ပြန်တော့ မပြောတတ်ကြဘူး ( နောက်ကွယ်မှာ ပြောတာမျိုး တော့ လုပ်တတ်ကြတယ် ) အဲ့လို မပြောတာတွေ များလာတော့ မေးတဲ့သူက ဘယ်လိုမေးရမှန်း မသိဘူး - မသိတော့ ဒီအတိုင်းပဲ ထပ်ခါ ထပ်ခါမေး - နောက်ဆုံးကျတော့ မေးသာမေးပြီး အဖြေပြန်မရတဲ့ အခြေအနေမျိုးတွေ အများကြီး ဖြစ်ဖြစ်လာတယ်

            အမေးသာရှိပြီး အဖြေပြန်မရတာ ကျွန်တော်တို့ မြန်မာဖိုရမ်တွေမှာမှ မဟုတ်ဘူး - နိုင်ငံခြားဖိုရမ်တွေ - Discussion groups တွေမှာလည်း အများကြီး ရှိတယ် - အဓိကက

            ( ၁ ) မေးမြန်းသင့်တဲ့ အကြောင်းအရာ
            ( ၂ ) မေးမြန်းသင့်တဲ့ နေရာနဲ့
            ( ၃ ) မေးခွန်း မေးမြန်းပုံ မေးမြန်းနည်း ကို မေးမြန်းမယ့်သူတွေ နားမလည်ကြတာ

              ဒီ အချက် သုံးခုထဲက မေးသင့်တဲ့ အကြောင်းအရာတွေ - မေးမြန်းသင့်တဲ့ နေရာဆိုတဲ့ ကန့်သတ်ချက် တွေ အကြောင်းကို ကျွန်တော် ဖော်ပြခဲ့ပြီးပါပြီ - ခု နောက်ဆုံး ဖော်ပြချင်တာ မေးခွန်းမေးမြန်းပုံ မေးမြန်းနည်း ကို မေးမြန်းသူဘက်က မကြည့်ပဲ ဖြေကြားသူဘက်က မေးခွန်းပေါ် ရှုမြင်တဲ့ အမြင် ပုံစံမျိုးနဲ့ ဖော်ပြပေးသွားပါ့မယ်။ 



              ဖြေကြားသူများ မည်သည့် မေးခွန်းမျိုး ရှောင်တတ်ကြသနည်း။ 

              ဖော်ပြချက် မပြည့်စုံသော - ရည်ရွယ်ချက် မတိကျသော မေးခွန်းများအား ဖြေကြားသူများ ရှောင်တတ်ပါသည်။ - Forums တွေမှာ မေးမြန်းတာမျိုး ဖြစ်စေ - Discussion groups တွေမှာ ဆွေးနွေးချင်တာမျိုး ဖြစ်စေ - ရည်ရွယ်ချက် မတိကျတဲ့ ဖော်ပြချက် မပြည့်စုံတဲ့ မေးမြန်းမှုမျိုးတွေကို ဖြေကြားသူတွေ ရှောင်တတ်ကြပါတယ်။ ဒါ့ကြောင့် ဖော်ပြချက် ပြည့်ပြည့်စုံစုံနဲ့ တိကျတဲ့ မေးခွန်းဖြစ်အောင် Stupid နဲ့ Smart မေးမြန်းပုံ အဆင့်ဆင့်ကို နိှုင်းယှဉ်ပြလိုက်ပါတယ်။ 

              Stupid - ကူညီပါဦး - ကျွန်တော့် လက်ပတော့က အခြွေကည့်ရင်းနဲ့ ဘာဖြစ်သွားမှန်း မသိဘူး - ဘယ်လိုလုပ်ရမယ်ဆိုတာ ဖြစ်နိုင်မယ်ဆို အမြန်ဆုံး ကူညီပေးပါ။ 

              Smart - ကျွန်တော့် လက်ပတော့ အမျိုးအစားက SAMAUNG ..??... ပါ - Windows ..??.. / Linux Distros ..??.. တင်ထားပါတယ် - 32/64 bit Operating system ပါ - RAM က .??.. GB ပါ - VGA အမျိုးအစားက ?? ... , ..??. GB ပါ - ဖြစ်တာက ..??.. စက်က Hang ပြီး ဘာမှဆက်လုပ်လို့ မရပဲ စာတက်လာပါတယ် - အရင်က အားလုံး ကောင်းပါတယ်။ မနက်က Update ပေးပြီး / Software ?? တစ်ခုတင်လိုက်မိပါတယ် - ဒီ ပြဿနာ အတွက် ကျွန်တော် ဘယ်လိုနည်းမျိုးနဲ့ ပြေလည်နိုင်မယ် ဆိုတာ သိပါရစေ။ 

              Smarter - ကျွန်တော့် လက်ပတော့ အမျိုးအစားက SAMAUNG .??... ပါ - Windows ..??.. / Linux ..??.. တင်ထားပါတယ် - 32/64 bit ..??.. Operating system ပါ - RAM က ..??.. GB ပါ - VGA အမျိုးအစားက ..??.. , ..??. GB ပါ - ဖြစ်တာက ..??.. စက်က Hang ပြီး ဘာမှဆက်လုပ်လို့ မရပဲ စာတက်လာပါတယ် - တက်လာတဲ့ စာက " ....... " ပါ - Screenshots ကို အောက်မှာ ကြည့်ပါ - အရင်က အားလုံး ကောင်းပါတယ်။ မနက်က Windows Update ပေးပြီး / Software ?? တစ်ခု တင်လိုက်မိပါတယ်။ ဆိုင်မဆိုင် ကျွန်တော် မသိပေမယ့် ကျွန်တော် System Restore လုပ်ဖို့ ကြိုးစားကြည့်တာလည်း Windows ထဲကနေ Restore လုပ်လို့ မရဖြစ်နေပါတယ် - တစ်ခြား နည်းလမ်းလည်း ကျွန်တော် မသိတော့ဘူး ဖြစ်နေပါတယ်။ ဒီ ပြဿနာ အတွက် ကျွန်တော် ဘယ်လိုနည်းမျိုးနဲ့ ပြေလည်နိုင်လောက်မယ် / တစ်ခြား ဘယ်နေရာတွေမှာ လေ့လာနိုင်မယ်ဆိုတာ အကြံဉာဏ်လေးများ သိပါရစေ။  
              အရေးတကြီးနှင့် အရေးပေါ် ဆိုသော မေးမြန်းချက်များအား ဖြေကြားသူများ ရှောင်တတ်ပါသည် - မေးခွန်းမေးမြန်းတဲ့ နေရာမှာ အရမ်းအရေးကြီးနေလို့ပါ - အရေးပေါ် ဖြစ်နေလို့ပါ ဆိုတာမျိုး တတ်နိုင်ရင် မဖော်ပြပါနဲ့ - ဘာကြောင့်လဲဆိုရင် အရေးကြီး အရေးပေါ် ဆိုတဲ့ ဖော်ပြချက်ဟာ ဖြေကြားသူကို ပြည့်စုံမယ့် အဖြေတစ်ခု ဖြေကြားပေးနိုင်ဖို့ လုံလောက်မယ့် ပြင်ဆင်မှု ဦးစားမပေးနိုင်တော့ဘူး ဆိုတဲ့ သဘောကို သက်ရောက်စေပါတယ် - ကိုယ့် အခက်အခဲ မဟုတ်တဲ့ ပြဿနာရပ် တစ်ခုကို မျက်စိရှေ့မှာ ဘာမှ မတွေ့မြင်ရပဲ ချက်ချင်းကြီး ပြေလည်အောင် ဖြေရှင်းပေးနိုင်ဖို့ ဆိုတာ တော်ယုံမဖြစ်နိုင်ပါဘူး - အဲ့လို အခြေအနေမှာ စိတ်ထဲ ထင်မိတာကို ချက်ချင်း Reply ပြန်လိုက်ပြန်ရင်လည်း ဖြေလိုက်တာပဲ အဖတ်တင်ပြီး ဖြစ်တဲ့ပြဿနာ မပြေလည်မှာ စိုးတာကြောင့် ဖြေကြားဖို့ ရှောင်တတ်ကြပါတယ်။   

              Private E-mails ပေးပို့ မေးမြန်းမှုများသည် ဖြေကြားသူအား အခက်တွေ့ စေပါသည် - မိမိနဲ့ ခင်မင်ရာ ခင်မင်ကြောင်း ရင်းနှီးနေတဲ့ သူတစ်ယောက်ဆီ ကိုယ့် အခက်အခဲအတွက် Private E-mails ပေးပို့ မေးမြန်းခြင်းမျိုးဟာ မေးမြန်းတဲ့ အကြောင်းအရာပေါ် မူတည်ပြီး ဖြေကြားပေးမယ့်သူအပေါ် အကျပ်တွေ့စေပါတယ် - လူတိုင်း လူတိုင်းမှာ သူနားလည် အားသန်တဲ့ အကြောင်းအရာ ကိုယ်စီ ရှိတတ်ကြပေမယ့် - လူတိုင်းဟာ ပြဿနာရပ်တိုင်းကို ပြေလည်အောင် ဖြေရှင်းပေးနိုင်တဲ့ စွမ်းရည် မရှိကြပါဘူး - ဒါတင်မက ကိုယ်က ဒီတစ်ခါလေးပဲ Private E-mail နဲ့ အကူအညီတောင်းဖူးသေးတာလို့ ယူဆနေပေမယ့် တစ်ချိန်တည်း တစ်ပြိုင်တည်းမှာ ကိုယ်လို တစ်ကြိမ်တစ်ခါတည်း အကူအညီတောင်းဖူးပါတယ်ဆိုတဲ့ E-mails မျိုးတွေ ဖြေကြားသူ ဘက်မှာ ဘယ်နစောင်လောက် ရှိနှင့်နေမလဲ ဆိုတာ ငဲ့ကွက် စဉ်းစားသင့်ပါတယ်။ လူတစ်ဦးတစ်ယောက် ရဲ့ ကိုယ်ပိုင်အချိန်ကို Respect ပေးပါ။ Private E-mails ပေးပို့ မေးမြန်းတာမျိုးထက် လူအများ ဝိုင်းဝန်း ဖြေကြားပေးနိုင်အောင် အမေးအဖြေကဏ္ဍ အောက်မှာပဲ Public မေးမြန်းမှုမျိုးပဲ လုပ်ဆောင်ပေးကြဖို့ အကြံပြုလိုပါတယ်။  

              ယဉ်ကျေး ညက်ညောမှု မရှိသော ပြန်ကြားချက်နှင့် မေးမြန်းမှုများအား ဖြေကြားသူများ ရှောင်တတ်ကြပါသည် - ဖိုရမ်မှာ မေးမြန်းမှု တစ်ခု တက်လာခဲ့ရင် မိသားစုဝင်တော်တော်များများ ဖြေကြားပေးနိုင်ဖို့ ကြိုးစားတတ်ကြပါတယ် - တစ်ချို့လည်း တတ်သလောက် နားလည်သလောက် ဝင်ပြောကြတယ် - တစ်ချို့လည်း အသေးစိတ် - တစ်ချို့လည်း အပေါ်ယံ - တစ်ချို့လည်း သာမန်ကာလျှံကာ - ဘယ်လို Reply ပဲ ပြန်ရသည် ဖြစ်စေ - မေးမြန်းသူ အနေနဲ့ ကိုယ့်ပြဿနာကို ပြေလည်နိုင်စေဖို့ ကူညီဖြေကြားပေးသူတွေကို ခုလို ကူညီပေးတာ ကျေးဇူးတင်ပါတယ် - ဝိုင်းဝန်းဖြေရှင်းပေးတာ ကျေးဇူးပါ ဆိုတဲ့ ကျေးဇူးတင်စကားမျိုး Reply မှာ အဦးဆုံး ပြောကြားပေးပြီးမှ ကိုယ့်ပြဿနာ ရဲ့ လိုအပ်ချက်တွေနဲ့ ပြေလည်မှု အဆင့်ဆင့်ကို ဆက်လက်ဆွေးနွေးသင့်ပါတယ် - အဲ့လို Reply ပြန်ရခြင်း အားဖြင့် ဝင်ရောက် အဖြေရှာပေးသူအတွက်လည်း ကိုယ်ဖြေကြားပေးလိုက်တဲ့ ပြဿနာရဲ့ ပြေလည်မှု အဆင့်ကို သိရလို့ ကျေနပ်မှု ဖြစ်စေသလို - အကယ်၍ မပြေလည်ခဲ့သေးဘူး ဆိုရင်လည်း ဘာတွေ ဖြည့်စွက်ဖို့ လိုဦးမယ်ဆိုတာ ကူညီဖေးမလိုစိတ် ဖြစ်ပေါ်စေတဲ့ အပြင် - ဘေးကရပ်ကြည့် နေသူတွေ အနေနဲ့ပါ ကိုယ်သိထားတဲ့ အလျှောက် ဝင်ရောက် ကူညီလိုစိတ် ဖြစ်ပေါ်စေပါလိမ့်မယ်။ သူ့ရဲ့ ပြောင်းပြန် အနေနဲ့ Reply ပြန်လိုက်ပေမယ့် အဆင်ပြေမှန်း မပြေမှန်း ဘာမှ မသိရတဲ့ မေးမြန်းချက်မျိုးတွေ - ကျေးဇူးတင်စကား ပြောဖို့ကျ စကားမဟပဲ ကိုယ့်ဘက်က အဆင်မပြေတာတွေ -ခင်ဗျားပြောတဲ့ အတိုင်း လုပ်လိုက်တာ ဘယ်လိုတွေတော့ ဖြစ်ကုန်ပြီ ဆိုတဲ့ အပြစ်တင်စကားမျိုး ပြောတဲ့ ပြန်ကြားချက်မျိုးတွေဟာ ဖြေကြားသူအတွက် စိတ်ကွက်စေသလို - အခြားဖြေကြားပေးမယ့် သူတွေကိုပါ လက်ရှောင်သွားစေနိုင်ပါတယ်။  

              ဘာတစ်ခုမသိသည့် မေးမြန်းချက်မျိုးအား ဘာမှမသိသကဲ့သို့ ဖြေကြားသူများ ရှောင်တတ်ကြပါသည် - မေးခွန်းဆိုတာ မေးတိုင်း မကောင်းပါဘူး - Differential equations တွေရဲ့ ဖြေရှင်းပုံကို နားမလည်ပဲ Biological process တွေ - Technical process တွေ - Bridge design တွေအကြောင်း နားလည်နိုင်ဖို့ မကြိုးစားချင်ပါနဲ့ မသိချင်ပါနဲ့ - ဆိုလိုတာ ကကြီး ခခွေး မရေးတတ်ပဲ စာစီမကုံးချင်ပါနဲ့ - အဆင့်မြင့်မြင့် သိချင်တဲ့အခါ အခြေခံ နားလည်ရမယ့် အချက်တွေကို ပြည့်ပြည့်စုံစုံ နားလည်ပြီးသား ဖြစ်ဖို့ မိမိကိုယ်ကိုယ် အရင်တည်ဆောက်ပါ။

                ကျွန်တော် ခုဖော်ပြခဲ့သလောက်ဆိုရင် မေးမြန်းမှု အတတ်ပညာရဲ့ နက်နဲပုံနဲ့ မေးမြန်းသင့်မယ့် နည်းလမ်းတွေကို မိသားစုဝင်များ နားလည်နိုင်ကြလိမ့်မယ်လို့ မျှော်လင့်မိပါတယ်။ လေ့လာပါ - မေးမြန်းပါ - သို့ပေမယ့် မေးမြန်းသင့်တဲ့ အကြောင်းအရာ - မေးမြန်းသင့်တဲ့ နေရာနဲ့ မေးမြန်းပုံ မေးမြန်းနည်းကိုတော့ အစဉ်သဖြင့် ဂရုပြုကြဖို့ တိုက်တွန်းအကြံပြု လိုက်ပါရစေ။

                KznT.

                Related Posts